| e-texts navigator |
| Wylie |
64a1 ཡིས།། ལྔ་ཕྱི་དུས་གསུམ་འཁྲུལ་པ་བཟློག། ཆོས་སྐུ་གཅིག་ཏུ་རྫོགས་པ་ཡིས།། རྒྱུ་འབྲས་གཉིས་འཛིན་མཐའ་ལས་བཟློག། དགོངས་པའི་ངང་ལ་བློ་གནས་པས།། ཀུན་བརྟགས་ཕྲ་མོའི་ཆོས་ལས
64a2 བཟློག། དེ་ཡང་འདུས་པའི་སྙིང་པོ་ཉོན།། ཡང་ཏི་ཐིག་ལེ་ཉག་གཅིག་གིས།། ཐེག་དགུའི་འདོད་པའི་ཆོས་ལས་བཟློག། རྒྱུན་ཆད་ཕྱོགས་ལྷུང་མེད་པ་ཡིས།། རང་འདོད་ང་རྒྱལ་མཐའ་ལས་བཟློག། འཛིན་མེད་རང
64a3 བྱུང་སྨན་ཆེན་གྱིས།། འཁོར་བའི་གཅོང་རོང་ནད་ལས་བཟློག། ད་ཡང་འདུས་པའི་སྙིང་པོ་ཉོན།། འཁྲུལ་མེད་དབྱེ་བ་རྣམ་བརྒྱད་ཀྱི།། ཞེན་འཁྲུལ་ཐམས་ཅད་གཞི་ནས་དག། དེ་ཕྱིར་ཆོས་ཉིད་གཅིག་ཤེས
64a4 པས།། འཁྲུལ་རྨོངས་ཐམས་ཅད་དུས་གཅིག་སྟོངས། བུདྡྷ་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། མ་རིག་བདུད་འཛིན་འཁྲུལ
64a5 པ་བཟློག་པར་བསྟན་པའི་ལེའུ་སྟེ་ཉི་ཤུ་ཐམ་པའོ།། །། དེ་ནས་འདུས་པའི་སྙིང་པོ་ཉོན།། ཐུན་མོང་ཕྱི་རྟགས་གཏན་ཚིགས་ནི།། ནམ་མཁའ་རང་བཞིན་སྐྱེ་མེད་ཕྱིར།། གདོད་ནས་རང་བྱུང་སྟོང་པ་ཉིད།། རྐྱེན
64a6 གྱིས་གཞིག་ཅིང་གཞོམ་དུ་མེད།། དེ་ཕྱིར་རང་བྱུང་སྐྱེ་མེད་ཡིན།། དེ་ཡི་ངང་ལས་འབྱུང་ཆེན་བཞི།། རོལ་པ་མ་འགགས་ཅིར་ཡང་སྣང་།། ལས་དང་རྐྱེན་དང་བག་ཆགས་བརྟས།། ཕན་གནོད་དགེ་སྡིག་གཉིས་སུ
iiif viewer powered by OpenSeadragon
