| e-texts navigator |
| Wylie |
63b1 མེད་ཤེས་བཞིན།། དོན་གོ་ལོག་རྟོགས་འཁྲུལ་མི་སྲིད།། འདྲ་བ་ལས་ནི་ཡོད་འཁྲུལ་པ།། སེམས་ནི་ཡུལ་དུ་འཁྲུལ་པ་ཡིས།། གཟུང་འཛིན་ཞེན་པ་སྣ་ཚོགས་འབྱུང་།། དེ་ཙམ་ཉིད་ནས་དོན་ལ་མེད།། དེ་ཙམ་དོན་གྱི
63b2 ཟློག་ཆོས་ཡིན།། ད་ཡང་འདུས་པའི་སྙིང་པོ་ཉོན།། རྟགས་ཀྱི་ཟློག་ཆོས་ངེས་པ་འདིས།། ངེས་པའི་ལུང་ལྡན་རྣལ་འབྱོར་པས།། ཐ་མལ་འཁྲུལ་པ་འབྱུང་མི་སྲིད།། སངས་རྒྱས་མཚན་དང་དཔེ་བྱད་ཀུན།། ཐ་མལ
63b3 ལུས་སུ་འཁྲུལ་མི་སྲིད།། ཐམས་ཅད་མཁྱེན་པའི་ཡེ་ཤེས་འདི།། མ་རིག་རྨོངས་པར་འཁྲུལ་མི་སྲིད།། ལུང་ལྡན་ངེས་པའི་གདམས་ངག་འདིས།། ཁམས་གསུམ་འཁོར་བར་འཁྱམས་མི་སྲིད།། གཞི་དང་མཐུན་པར
63b4 ཉམས་མྱོང་ཕྱིར།། སྐྱེ་བ་ཕྱི་མ་ལེན་མི་སྲིད།། གཉིད་ནི་ཀློང་ཐིམ་དོན་ཤེས་ན།། བར་དོར་མུན་པ་འབྱུང་མི་སྲིད།། མ་བཙལ་གཟུགས་སྐུ་འབྱུང་བ་ལ།། སྔོན་དུ་དགེ་རྩ་བྱ་མི་དགོས།། སངས་རྒྱས་ཐམས་ཅད་ཀྱི
63b5 དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། ངེས་དོན་རྟགས་ཀྱི་ཟློག་ཆོས་བསྟན་པའི་ལེའུ་སྟེ་བཅུ་དགུ་པའོ།། །། དེ་ཡང་འདུས་པའི་སྙིང
63b6 པོ་ཉོན།། མ་རིག་ཟློག་པའི་ཡེ་ཤེས་ནི།། དགག་བསྒྲུབ་མེད་པའི་རིག་པ་ལ།། གཞི་ལ་ཕྱོགས་སུ་ཞེན་པ་བཟློག། སྙོམས་བྱེད་ཐེ་ཚོམ་ཟ་བ་ནི།། ལྟ་བའི་གདེང་གིས་ཟིན་པས་བཟློག། གདམས་ངག་རང་གྲོལ་དྲན་པ
iiif viewer powered by OpenSeadragon
