| e-texts navigator |
| Wylie |
63a1 གྱི་དོན་ཆེད་དུ།། ཀུན་རིག་སྟོན་པ་ཆོས་རྗེ་ལ།། བདེན་པའི་དགོངས་དོན་འདི་སྐད་གསོལ།། ལུང་ལྡན་ངེས་པའི་གདམས་ངག་གིས།། བདུད་དེ་ཟློག་ཆོས་དཔེ་དོན་གང་།། མ་རིག་རྒྱ་མདུད་ཇི་ལྟར
63a2 བཟློག། ཕྱི་ནང་ལ་ཟློའི་གཏན་ཚིགས་གང་།། སྣང་བ་ཡུལ་གྱིས་གོལ་ས་གང་།། མཉམ་པའི་རྒྱལ་པོས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། དེ་ཡི་ཟློག་ཆོས་བཀའ་སྩལ་པ།། དཔེ་ལས་འཁྲུལ
63a3 མེད་ཟློག་ཆོས་དང་།། དོན་གྱི་འཁྲུལ་མེད་ཟློག་ཆོས་དང་།། རྟགས་ཀྱི་འཁྲུལ་མེད་ཟློག་ཆོས་རྣམས།། ང་ཡིས་བཤད་ཀྱིས་ལེགས་པར་ཉོན།། དེ་ལ་དཔེ་ཡིས་བཟློག་ཆོས་ནི།། ཟག་པ་སྦྲུལ་དུ་འཁྲུལ་སྲིད་ཀྱང་།། ཐོ
63a4 ཡོར་སྦྲུལ་དུ་འཁྲུལ་མི་སྲིད།། ལུང་མ་བསྟན་པས་འཁྲུལ་སྲིད་ཀྱང་།། རང་བཞིན་གཞི་ལ་འཁྲུལ་པ་མེད།། ཟག་པ་མི་རུ་མི་འཁྲུལ་བཞིན།། རྟོགས་པའི་གཞི་ལ་འཁྲུལ་པ་མེད།། དེ་ཡང་འདུས་པའི་སྙིང་པོ་ཉོན།། རྔ
63a5 མོ་རྟ་རུ་འཁྲུལ་སྲིད་ཀྱང་།། བྱ་ནི་རྟ་རུ་འཁྲུལ་མི་སྲིད།། ཡུལ་ནི་སེམས་སུ་འཁྲུལ་སྲིད་ཀྱང་།། རིག་པ་བེམ་པོར་འཁྲུལ་མི་སྲིད།། འབྱུང་བ་ལྔ་ལ་རིག་པ་མེད།། དེ་ཕྱིར་ཡུལ་སེམས་འབྲེལ་པ་མེད།། དེ་ཡང་རྡོ་རྗེ
63a6 སེམས་དཔའ་ཉོན།། དོན་གྱི་ཟློག་ཆོས་བསྟན་པ་ནི།། ཤེས་པ་ལུང་མ་བསྟན་པ་ལ།། འགྲོ་དྲུག་སེམས་ཅན་འཁྲུལ་པ་བྱུང་།། ལྷུན་གྲུབ་སངས་རྒྱས་འཁྲུལ་མ་མྱོང་།། དེ་ཕྱིར་གཞི་ལ་འཁྲུལ་པ་མེད།། རི་བོང་རྭ་ནི
iiif viewer powered by OpenSeadragon
