| e-texts navigator |
| Wylie |
62b1 བཞི་ཡི།། མ་རིག་འཁྲུལ་པའི་བར་དོ་ནི།། རྒྱུ་ནི་མ་རིག་རྣམ་གསུམ་ལ།། རྐྱེན་ནི་བག་ཆགས་གཉིས་ཀྱིས་གོལ།། གོལ་ས་བར་དོར་ལུས་སུ་ལེན།། སྡུག་བསྔལ་སྣ་ཚོགས་ཉམས་སུ་མྱོང་།། སྐྱེ་རྒས་སྡུག་བསྔལ་ཟད
62b2 དུས་མེད།། དེ་ཡང་འདུས་པའི་སྙིང་པོ་ཉོན།། དེ་ལས་ཐར་ཅིང་ལྡོག་འདོད་པས།། ཀུན་བརྟགས་དགེ་རྩ་འདིར་བྱས་པས།། དགེ་བཅུ་སྦྱིན་སོགས་དད་པས་སྤྱད།། ཕྱི་མར་འབྲས་བུ་འདོད་པས་སེམས།། རྒྱུ་མཐུན
62b3 བག་ཆགས་མཐུ་བརྟས་པས།། ལྷ་དང་མི་ཡི་གོ་འཕང་ཙམ།། སྨོན་ལམ་བཏབ་པའི་དབང་བཙན་ཡང་།། དགེ་བའི་སྟེགས་ཟད་འཁོར་བར་འཁྱམས།། དེ་ཡང་འདུས་པའི་སྙིང་པོ་ཉོན།། གནས་འགྱུར་ལྷ་ཡི་བར་དོ།
62b4 ལ།། རྟོགས་དང་ལྷ་གཉིས་དུས་མཉམ་པས།། དུས་གསུམ་གཅིག་ལ་གཅིག་ཚང་ནས།། འབྲས་བུའི་སངས་རྒྱས་དུས་དེ་ཉིད།། མ་རྟོགས་ལྷ་བསྒོམ་རུ་ཏྲར་སྐྱེ།། དེ་ཡང་འདུས་པའི་སྙིང་པོ་ཉོན།། རྣམ་ཤེས་རླུང་ཞོན
62b5 བར་དོ་ལ།། ཕྱི་ནང་རླུང་གི་བདེ་བསྒོམ་པས།། ཕག་མོ་ལ་སོགས་འཕོ་བ་བདུན།། འོད་གསལ་ཡེ་ཤེས་སྐུར་འདོད་པས།། དྲང་དོན་ཡིན་གྱི་ངེས་དོན་མིན།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ
62b6 འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། སྲིད་པ་བར་དོར་འཁྱམས་པ་བསྟན་པའི་ལེའུ་སྟེ་བཅོ་བརྒྱད་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་འཁོར
iiif viewer powered by OpenSeadragon
