| e-texts navigator |
| Wylie |
62a1 ལུས་ཕྱིན་ཡང་།། ལུས་བྲལ་བར་དོར་ཕན་མི་ནུས།། ལུས་ལ་བདེ་བ་འབར་གྱུར་ཀྱང་།། ཞེན་པའི་འདོད་ཆགས་བདུད་ཡིན་ཏེ།། ལུས་ནི་གནས་སྐབས་འབྲེལ་པ་ཙམ།། རྐྱེན་མི་ཐུབ་ཕྱིར་ཤིན་ཏུ
62a2 གོལ།། གཞན་གྱི་ཟིལ་གནོན་སྟོབས་ལྡན་ཀྱང་།། མ་རིག་ཟིལ་གནོན་སྟོབས་མེད་ན།། ང་རྒྱལ་དབང་གིས་ཉོན་མོངས་འཕེལ།། དེ་ཕྱིར་འཁར་བ་འབའ་ཞིག་ལྟུང་།། གཏེར་དང་གཞན་གྱི་ནོར་རྙེད་ན།། ཞེན་པའི
62a3 བདུད་ཀྱིས་རང་བསླུས་ཏེ།། གཡེང་བའི་བསམ་པ་སྣ་ཚོགས་འཕེལ།། སྡུག་བསྔལ་འབའ་ཞིག་བདེ་བ་མེད།། སྔར་མ་མཐོང་བའི་ཡུལ་ལ་སོགས།། ད་ལྟའི་མིག་གིས་མཐོང་གྱུར་ན།། ཡིད་ཀྱི་རྣམ་རྟོག་བདུད་ཡིན
62a4 ཏེ།། ཡེ་ཤེས་སྤྱན་གྱི་གོལ་སར་གསུངས།། མ་བསླབས་རིག་པ་ལྔ་ལྡན་པ།། ཤེས་ཀྱང་གཡེང་བའི་བདུད་ཡིན་ཏེ།། ཞེན་པའི་དབང་གིས་བརྩོན་གྱུར་ན།། དེ་ཕྱིར་བསམ་གཏན་གོལ་སར་བཤད།། དེ་དག་བདུད་དུ
62a5 ཤེས་གྱུར་ནས།། གང་ཡང་ཡོན་ཏན་ལྟར་མེད་ན།། རེ་དོགས་བྲལ་བའི་གདེང་དང་ལྡན།། དོན་གྱི་གནས་ལུགས་རྟོགས་པ་ཡིན།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས
62a6 པའི་དོན། རིན་པོ་ཆེ་ཡོན་ཏན་ཀུན་བྱུང་གི་རྒྱུད་ལས། ཡོན་ཏན་སྐྱོན་དུ་བསྟན་པའི་ལེའུ་སྟེ་བཅུ་བདུན་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སྟོན་པས་བཀའ་སྩལ་པ།། སྲིད་པ་བར་དོ་རྣམ
iiif viewer powered by OpenSeadragon
