| e-texts navigator |
| Wylie |
60a1 བུ་མཆོག། དེ་དག་བསྒོམ་པའི་བདུད་བཞི་ཡང་།། ལྷག་མཐོང་མེད་ལས་བྱུང་བ་ལ།། གདེང་ལྡན་ངེས་པའི་རྣལ་འབྱོར་ལ།། བསྒོམ་དུ་མེད་ཅིང་བདུད་རྣམས་སྟོངས།། སངས་རྒྱས་ཐམས་ཅད་ཀྱི
60a2 དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་བྱུང་གི་རྒྱུད་ལས། བསྒོམ་པའི་བདུད་ཟིལ་གྱིས་མནན་པའི་ལེའུ་སྟེ་བཅུ་བཞི་པའོ།། །། ཀུན་རིག་སྟོན་པས་ཡང
60a3 གསུངས་པ།། སྤྱོད་པའི་བདུད་བཞི་བྱུང་བ་ཡང་།། སྣང་བའི་ཡུལ་ལ་ཞེན་པ་ནི།། ཡོན་ཏན་སྐྱོན་དུ་མ་ཤེས་ཕྱིར།། འདུ་འཛི་ལོངས་སྤྱོད་བདུད་བྱུང་ན།། གདམས་ངག་མེད་པར་ཚུལ་འཆོས་བྱེད།། མི་རྣམས་སྨོན
60a4 འདོད་གཞན་སེམས་འཛིན།། དོན་པོར་བདག་འཛིན་ཕྲག་དོག་ལྷུང་།། དེ་དག་དགྲར་ཤེས་ཞེན་པ་ཆུང་།། བུ་བཞིན་ཆགས་མེད་དོན་གྱིས་ཟིན།། ལོངས་སྤྱོད་རང་གྲོལ་རོལ་པར་རྟོགས།། དེ་ཡང་འདུས་པའི་སྙིང་པོ
60a5 ཉོན།། ཞེན་ཆགས་གནས་ཀྱི་བདུད་བྱུང་ན།། ཐོས་ཆུང་ཁང་ཆེན་ཉམས་དགའ་བརྩིགས།། བཀྲ་ཤིས་འདྲེ་མེད་ལྷ་ཡོད་ཟེར།། འདྲེ་བརྟེན་མཐུ་ཡོད་གཞན་ལ་སྡིག། གནས་ལ་མ་ཆགས་ངེས་མེད་ཤེས།། བདག
60a6 གནས་གཞི་ལ་མེད་རྟོགས་པས།། གང་ན་འདུག་པ་འོག་མིན་གནས།། དེ་ཡང་རྡོ་རྗེ་སེམས་དཔའ་ཉོན།། ཡོན་ཏན་གཡེང་བའི་བདུད་བྱུང་ན།། རིག་པ་ལྔ་ལྡན་བཀུར་སྟིར་ཞེ་ན།། དོན་པོར་གཞན་དོན་རང་རྒྱུད
iiif viewer powered by OpenSeadragon
