| e-texts navigator |
| Wylie |
5b1 འབངས་སུ་མཆི།། དཔའ་བོ་ཆེན་པོ་བདག་ལ་དགོངས།། བཀའ་ལས་མི་འདས་ཡིད་ཀྱིས་བཟུང་།། ལྟ་བའི་ཡང་སྙིང་བཤད་དུ་གསོལ།། དེ་སྐད་གསོལ་བའི་དོན་གསན་ནས།། བཅོམ་ལྡན་ངོ་བོ་ཉིད་ཆེན
5b2 དེས།། གདོད་ནས་འབྲལ་མེད་ཏིང་འཛིན་ལ།། བདེ་བར་ཞུགས་ནས་བཀའ་སྩལ་པ།། ཡང་སྙིང་ལྟ་བའི་རྒྱུད་ཆེན་འདི།། ཡིད་ཀྱིས་བཤད་པས་རྟོགས་པའི་དོན།། ངས་ཤེས་ཡེ་ཤེས་དམ་པར་གྱིས།། བདུད་དང་བར
5b3 གཅོད་ཐམས་ཅད་ཀྱང་།། ང་ཉིད་རོལ་པ་ལས་གཞན་མེད།། ང་མ་ཤེས་པར་ཅི་སྤྱད་ཀྱང་།། འབྲས་བུ་བརླག་ཅིང་འཚིག་པར་འགྱུར།། དེ་སྐད་གསུངས་ནས་སྐུ་གསུང་ཐུགས།། སྐྱེ་འགག་མེད་པའི་ཡེ་ཤེས
5b4 ཀྱིས།། རྒྱུན་མི་ཆད་ཀྱི་དགོངས་པ་ལ།། ཐུགས་ནི་ཤིན་ཏུ་ཐིམ་གྱུར་ཏོ།། དེ་ནས་རྡོ་རྗེ་སེམས་དཔའ་ཡིས།། འདུས་པའི་ཚོགས་ལ་ཕན་བཏགས་ཕྱིར།། ཡིད་ཀྱིས་ངེས་དོན་འདི་སྐད་གསོལ།། དད་པས་བསྒོམ་དང
5b5 རྟོགས་པ་ཡིས།། སྣོད་ལྡན་སྣོད་ངན་བྱེ་བྲག་གི། འབྲས་བུ་བསྟན་པ་བཤད་དུ་གསོལ།། ཀུན་རིག་རྒྱལ་པོས་བཀའ་སྩལ་པ།། ཁྱོད་ཀྱི་ཞུས་པ་ངས་བཤད་ཉོན།། ང་ཡི་ཡེ་ཤེས་ལྷུན་གྲུབ་ལ།། རེ་ཞིག་མོས་པ་དྲང
5b6 བའི་ཕྱིར།། སྤྱི་ཡི་མཚན་ཉིད་རྟོགས་པའི་ཐབས།། བརྡའ་ཙམ་མཚོན་ནས་ཞེན་གྲོལ་བའི།། རང་དོན་སེམས་ཀྱི་མོས་པ་ཡིས།། ཐེག་པ་ཀུན་ལ་ཐོས་བསམ་གནས།། དབེན་པའི་དགོན་པར་གང་བསྒོམ་པ།། རང
iiif viewer powered by OpenSeadragon
