| e-texts navigator |
| Wylie |
59b1 ཟིལ་གྱིས་གནོན་པར་རྟོགས་པས་ཆོག་པར་བསྟན་པའི་ལེའུ་སྟེ་བཅུ་གསུམ་པའོ།། །། ཀུན་རིག་སྟོན་པས་ཡང་གསུངས་པ།། བསྒོམ་པའི་བདུད་བཞི་དབྱེ་བའི་ཕྱིར།། བྱིང་བ་བསལ་བའི་བདུད་བསྟན
59b2 པ།། བསྒོམ་མེད་ནན་ཏན་འབད་ནས་བསྒོམ།། མྱོས་པའི་དབང་གིས་གསལ་བ་བྱེད།། གཉེན་པོས་བསལ་བས་དོན་དང་བྲལ།། གཉིད་གསུམ་བསྲེ་ཤེས་གཏི་མུག་བརླག། ཆོས་ཉིད་ཀློང་དུ་གཉིད་ཐིམ
59b3 ཤེས།། སངས་རྒྱས་ཡེ་ཤེས་ཀློང་དུ་ཐིམ།། དེ་ཡང་འདུས་པའི་སྙིང་པོ་ཉོན།། རྨུགས་པ་བདེ་བའི་བདུད་བྱུང་ན།། ངེས་དོན་ཆོས་སྐུ་ངོས་མི་ཟིན།། ཤེས་པ་མུན་སངས་ལྷག་མཐོང་མེད།། བསྒོམ་པ་བྱས་ཀྱང་གཏི་མུག
59b4 འཕེལ།། རང་རིག་དྲན་པས་ཡེ་ཤེས་གསལ།། ལྟ་བས་ཟིན་ཕྱིར་ཆོས་ཀྱི་སྐུ།། འབྲས་བུ་འགྱུར་མེད་ཡེ་ཤེས་ཀློང་།། དེ་ཡང་འདུས་པའི་སྙིང་པོ་ཉོན།། རྒོད་པ་མི་རྟོག་བདུད་བྱུང་ན།། གདམས་ངག་མེད་ཕྱིར་འདུན
59b5 པར་དགའ།། དོན་བཏང་ནས་ནི་མི་ཆོས་བྱེད།། སྤོང་སྡུད་ཞེན་པས་ཡུལ་ལ་ཞེ་ན།། སྤང་ཕྱིར་རིག་པའི་དོན་ཟིན་པས།། བ་མོ་ཉི་ཤར་བཞིན་དུ་སྟོངས།། གདེང་ཟིན་ཆོས་དབྱིངས་གནས་ཀྱི་མཆོག། འཕྲོ་བ་མི་གཡོའི
59b6 བདུད་བྱུང་ན།། དོན་ལ་གོམས་པར་མ་བྱས་པས།། རིག་ཚོར་དྲན་པ་ཕྲ་མོ་རྒྱུ།། དོན་མེད་རྐུན་བུ་ཡང་ཡང་རྒྱུ།། མི་བརྗེད་པ་ཡི་གཟུངས་ཀྱིས་ཟིན།། རྣམ་རྟོག་རང་ཞི་རིག་པ་གསལ།། ཐམས་ཅད་ཆོས་སྐུར་འབྲས
iiif viewer powered by OpenSeadragon
