| e-texts navigator |
| Wylie |
58b1 པའི་སྙིང་པོ་ཉོན།། ཐབས་ཀྱིས་རིག་པ་བྱིན་བརླབས་པས།། སྨན་དང་ཡི་གེའི་དབང་གིས་འདུས།། རྩ་དང་ཐིག་ལེ་བདེ་བསྒོམ་པས།། ཤེས་པ་འགྱུར་ནས་དེ་ལ་ཞེ་ན།། དེ་ཕྱིར་མི་གྲོལ་ཤིན་ཏུ་འཆིང་།། མི
58b2 རྟོག་ཐབས་ཀྱི་བདེ་འདོད་གོལ།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། མ་རྟོགས་པར་བསྒོམ་པ་གོལ་བར་བསྟན
58b3 པའི་ལེའུ་སྟེ་བཅུ་གཉིས་པའོ།། །། ཀུན་རིག་སྟོན་པས་ཡང་གསུངས་པ།། རྣལ་འབྱོར་ལྟ་མེད་ཉམས་ཞེན་པས།། བདུད་ཀྱི་ཆོ་འཕྲུལ་མངོན་ཤེས་འབྱུང་།། དེ་ཚེ་ལྟ་སྒོམ་སྤྱོད་ཉམས་བདུད།། བར་དུ་བཅད་ནས
58b4 འཁོར་བར་འཁྱམས།། དེ་ཡང་འདུས་པའི་སྙིང་པོ་ཉོན།། དེ་བཟློག་དོན་དུ་གདམས་ངག་གིས།། ཡེ་ནས་གཞི་ལ་བདུད་མེད་ཀྱང་།། རང་སེམས་འཁྲུལ་པས་བདུད་དུ་བྱུང་།། དེ་ཕྱིར་མི་བསླུའི་གདམས་ངག
58b5 དགོས།། དང་པོ་ལྟ་དམན་བློ་དམན་ལ།། སྣང་བ་འོད་དང་གྲག་པ་སྒྲ།། འཇིགས་པའི་གཟུགས་དང་བསླུ་བའི་རྫུན།། རེ་རེ་ལ་ནི་དྲུག་དྲུག་ཏུ།། ཕྱེ་ལ་བསྟན་གྱིས་ངེས་པར་ཟུང་།། དེ་ཡང་འདུས་པའི་སྙིང་པོ
58b6 ཉོན།། སྣང་བ་འོད་ཀྱི་བདུད་བྱུང་ན།། ལྷ་མེད་མུན་ལས་སྣང་བྱུང་བས།། དགེ་སྡིག་མཐོང་བའི་སྙིང་རྗེ་ཞུགས།། འགྲོ་དོན་བྱ་མནོ་ཏིང་འཛིན་བཏང་།། ངེས་མེད་ལྷག་མཐོང་མི་གཡོ་དྲན།། གཞི་ལ་མི་འགྱུར་འཇའ
iiif viewer powered by OpenSeadragon
