| e-texts navigator |
| Wylie |
57b1 འབྱམས་ལུང་ཚིག་སྤང་།། དེ་དག་གོལ་སར་ངས་བཤད་ཉོན།། རིན་ཆེན་གསེར་སྦྲུལ་མཐོང་སྟོན་བཞིན།། སྤྱི་ཙམ་ལ་ནི་བརྟེན་པའི་གཞི།། མཁས་སུ་རེ་ནས་ཐ་སྙད་འདོགས།། དོན་མེད་ནམ་མཁའི་མཐའ་ཚོལ
57b2 འདྲ།། ཚིག་ཏུ་ཤེས་པས་དོན་མ་རྟོགས།། ཚིག་དང་དོན་ཡིན་ཟེར་བས་འཁྲུལ།། དེ་ཡང་རྡོ་རྗེ་སེམས་དཔའ་ཉོན།། ཁ་འབྱམས་པ་ཡིས་འཁྲུལ་པ་དེ།། སྣང་བ་སེམས་རྒྱུད་གཞི་རུ་བྱེད།། ཀུན་བརྟགས་ལྷུན་གྲུབ་བཅུ
57b3 རུ་འཁྲུལ།། འབྲས་བུ་མི་འབྱུང་ལོག་པར་གོལ།། གཞི་དང་མ་མཐུན་ལུང་རིགས་འགལ།། གཞི་ཉིད་མ་ཤེས་སྐྱེ་བོ་རང་།། དེ་ཡང་འདུས་པའི་སྙིང་པོ་ཉོན།། ཚིག་ཟིན་ལུང་གི་འཁྲུལ་པ་དེ།། ཚིག་ཙམ་ལུང་ཁུངས
57b4 གཞི་རུ་བྱེད།། དགོངས་པ་རྣམ་གསུམ་མ་ཤེས་འཁྲུལ།། ཚིག་ཙམ་ལུང་གིས་དོན་མི་རྟོགས།། ལུང་མེད་དོན་གོ་ཡེ་སངས་རྒྱས།། དེ་ཡང་འདུས་པའི་སྙིང་པོ་ཉོན།། དེ་དག་རྒྱུད་ལུང་མན་ངག་གསུམ།། འཁོར་འདས
57b5 གཞི་ནི[:]མ་ཤེས་ཕྱིར།། ཉི་མ་སྤྲིན་གྱིས་བསྒྲིབས་པ་བཞིན།། དོན་དང་བྲལ་ཕྱིར་གདམས་ངག་དགོས། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན།།
57b6 རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། བསྐྱེད་རྫོགས་རྣམ་གསུམ་འཁྲུལ་ཚུལ་བསྟན་པའི་སྟེ་བཅུ་གཅིག་པའོ།། །། དེ་ཡང་རྡོ་རྗེ་སེམས་དཔའ་ཉོན།། དེ་དག་འཁྲུལ་པ་བཟློག་འདོད་ཕྱིར། མི་རྟོག་ཐབས
iiif viewer powered by OpenSeadragon
