| e-texts navigator |
| Wylie |
57a1 ཆོས་དབྱིངས་གཞི་བྱས་ནས།། བྱང་ཆུབ་རྣམ་ལྔ་འདོད་པ་འཁྲུལ།། བསྒོམ་པས་མ་གྲོལ་འདོད་ཁམས་ལྷ།། སེམས་ཙམ་པ་དང་ཁྱད་མེད་གོལ།། ལ་ཟློ་རིག་པ་ཆོས་སྐུར་ཤེས།། དེ་ཡང་རྡོ་རྗེ་སེམས
57a2 དཔའ་ཉོན།། དེ་དག་ཀྲི་ཡོག་རྣམ་གསུམ་ཡང་།། གཞི་ཉིད་མ་ངེས་བློ་འགྱུར་ཅིང་།། ནམ་མཁའ་དག་ལ་འཛིན་པ་བཞིན།། དོན་ལ་འཁྲུལ་པར་ཐེ་ཚོམ་མེད།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ
57a3 འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒུད་ལས། ཕྱིའི་འཁྲུལ་ཚུལ་བསྟན་པའི་ལེའུ་སྟེ་བཅུ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་ཆོས་ཀྱི་རྒྱལ་པོ
57a4 ཡིས།། བསྐྱེད་རྫོགས་རྣམ་གསུམ་འཁྲུལ་པ་ཡི།། དོན་གྱི་དབྱེ་བ་བཀའ་སྩལ་པ།། ནམ་མཁའ་སྤྲིན་དང་ཁུ་རླངས་བཞིན།། རྣལ་འབྱོར་མ་ཧཱ་ཡོ་ག་ཡིས།། བདེན་པ་དབྱེར་མེད་འདོད་པའི་གཞིས།། རྟོག་ཚོགས་ལྷ་རུ
57a5 བསྒོམ་པས་འཁྲུལ།། དོན་མེད་བགེགས་དང་རུ་ཏྲར་ལྟུང་།། དབུ་མ་དང་འདྲ་འབྲས་བུས་གོལ།། ལམ་ལ་མི་བརྟེན་རྟོགས་པའི་མཆོག། དེ་ཡང་རྡོ་རྗེ་སེམས་དཔའ་ཉོན།། ཨ་ནུ་ཡོ་གའི་དབྱེ་བ་ནི།། ཀུན་གཞི་མཁའ
57a6 ཀློང་གཞི་བྱས་ནས།། སྣང་བ་ཀུན་བཟང་རོལ་པར་འཁྲུལ།། ཡོད་མིན་མེད་མིན་སྐྱེ་མཆེད་ལྟུང་།། མཁའ་ཀློང་དབུ་མ་ཆད་དང་འདྲ།། ལ་ཟློ་ཆོས་ཀྱི་དབྱིངས་ཉིད་ཡིན།། མན་ངག་ཨ་ཏིའི་འཁྲུལ་ཚུལ་ནི།། སྤྱི་དང་ཁ
iiif viewer powered by OpenSeadragon
