| e-texts navigator |
| Wylie |
56a1 མཚོན་དེ།། ངོ་བོ་མི་འགྱུར་གཞི་བྱས་ནས།། ཁ་དོག་དབྱིབས་ཅན་དག་ཏུ་འཁྲུལ།། ལོག་པའི་དཀའ་ཐུབ་དམྱལ་བར་ལྟུང་།། རིག་པས་བརྟགས་པས་བདག་མ་གྲུབ།། དེ་ཉིད་ལ་ཟློས་ཆོས་སྒྲ
56a2 ཉིད།། དེ་ལས་གཞན་པའི་སངས་རྒྱས་མེད།། དེ་ཡང་འདུས་པའི་སྙིང་པོ་ཉོན།། མུ་སྟེགས་ཆད་པའི་དབྱེ་བ་ནི།། ཁ་དོག་དབྱིབས་མེད་ཆད་གཞི་བྱས།། སྔ་ཕྱི་རྒྱུ་འབྲས་མེད་པར་འཁྲུལ།། སྐུར་བཏབ་དམྱལ་བ་ཆེན
56a3 པོར་ལྷུང་།། ཆད་དུ་མིན་ཏེ་རིག་པ་ཡོད།། དེ་ཕྱིར་གཞི་ལ་གོལ་ས་མེད།། རང་བྱུང་ཡེ་ཤེས་ཀློང་ན་གནས།། དེ་ཡང་འདུས་པའི་སྙིང་པོ་ཉོན།། སྤྲེའུ་འདྲས་ལོག་པར་ཁྲིད་ཀྱང་ནི།། གཞི་ཉིད་རྟག་ཆད་མཐར་མི
56a4 ལྟུང་།། བཅོས་ཤིང་བསྒྱུར་བས་གཞི་མི་འགྱུར།། དེ་ཕྱིར་ལུང་ལྡན་གདམས་ངག་གཅེས།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང
56a5 གི་རྒྱུད་ལས། མུ་སྟེགས་ཀྱི་འཁྲུལ་ཚུལ་བསྟན་པའི་ལེའུ་སྟེ་བརྒྱད་པའོ།། །། ཀུན་རིག་སྟོན་པས་ཡང་གསུངས་པ།། ངེས་དོན་གཞི་ཡི་ཕྱོགས་ཆ་ཙམ།། ཐེག་དགུ་འཁྲུལ་པར་ངས་བཤད་ཉོན།། ཉན་ཐོས་འཁྲུལ
56a6 པའི་དབྱེ་བ་ནི།། སྣང་བ་ཕྲ་རག་ཡུལ་གྱི་གཞི།། གང་ཟག་བདག་མེད་ཆོས་བདག་ཡོད།། ཞི་བ་ཕྱོགས་གཅིག་ཐར་མི་ཐོབ།། ལྷག་མཐོང་མེད་ཕྱིར་སྐྱེ་བོ་རང་།། སྣང་བ་སྤང་མེད་དོན་ཤེས་པས།། ཞེན་མེད་ཡུལ་སྣང
iiif viewer powered by OpenSeadragon
