| e-texts navigator |
| Wylie |
55b1 རྟོགས།། འཁྲུལ་པ་རྣམས་ཀྱིས་ཤེས་པ་ལས།། རྒྱལ་བ་ཀུན་གྱིས་མི་མཁྱེན་ཕྱིར།། ངེས་དོན་གཞི་ལ་འཁྲུལ་པ་མེད།། གློ་བུར་སེམས་ལས་འཁྲུལ་པ་བྱུང་།། ཟག་པ་སྦྲུལ་དུ་འཛིན་པ་བཞིན།། དེ་ལས་སྐྱེས་པས
55b2 འཁོར་བར་འཁྱམས།། དེ་ཡང་རྡོ་རྗེ་སེམས་དཔའ་ཉོན།། ད་ལྟ་གང་ན་གནས་པའི་ཚེ།། འཁྲུལ་གཞི་ཡོད་ལ་ཀུན་བརྟགས་གསུམ།། བྱུང་ཚུལ་མ་ཤེས་གཏི་མུག་གིས།། དེ་ཕྱིར་ཐོག་མཐའ་མེད་པར་གནས།། དེ་ཉིད
55b3 མ་ཤེས་ཐ་མར་ནི།། ངེས་དོན་མེད་པའི་སྔགས་བཙུན་ཀུན།། ཆུ་བོ་བཞི་ལས་ཐར་པ་མེད།། འཁོར་བའི་སྡུག་བསྔལ་བསམ་ཐག་ཆད།། དེ་ཕྱིར་གདེང་མེད་རྟག་ཏུ་འཁྱམས།། སངས་རྒྱས་ཐམས་ཅད་ཀྱི་དགོངས་པ
55b4 ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། འཁོར་བའི་བྱུང་ཚུལ་བསྟན་པའི་ལེའུ་སྟེ་བདུན་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི
55b5 འཁོར་ལ་ཕན་གདགས་ཕྱིར།། ཀུན་ཏུ་བཟང་ལ་འདི་སྐད་གསོལ།། ཕྱིན་ཅི་ལོག་ཏུ་བློས་བསྒྱུར་བའི།། མུ་སྟེགས་རྟག་ཆད་ཇི་ལྟར་འཁྲུལ།། ཕྱོགས་ཙམ་ཁ་འཛིན་ཐེག་པ་དགུ།། རང་གི་གཞི་ལས་ཇི་ལྟར་འཁྲུལ།།
55b6 ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། མུ་སྟེགས་རྟག་པའི་འཁྲུལ་དཔེ་ནི།། སྨན་ནི་དུག་ཏུ་འཛིན་པ་བཞིན།། དབྱེ་བ་དྲུག་གི་དོན
iiif viewer powered by OpenSeadragon
