| e-texts navigator |
| Wylie |
55a1 རིག་སྒོ་ལྔའི་རྟེན་བྱེད་ཕྱིར།། འཁོར་བར་སྐྱེ་བའི་གཞི་མ་ཡིན།། ཉི་ནུབ་ནམ་ནི་མ་གྲོས་འདྲ།། རྫོགས་པ་ཆེན་པོ་སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི
55a2 དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། འཁོར་བའི་གཞི་ཤེས་ལུང་མ་བསྟན་པའི་ལེའུ་སྟེ་དྲུག་པའོ།། །། དེ་ནས་འདུས་པའི་འཁོར་རྣམས་ལ།། ཇི་ལྟར་འཁྲུལ་པ་བཀའ་སྩལ་པ།། འཁྲུལ་གཞི
55a3 མེད་པའི་འཁྲུལ་པ་དེ།། གོང་འོག་དྲུག་འཛོམ་གཏི་མུག་ངེས།། མ་རིག་བསྐྱེད་པས་རྒྱུ་བྱས་ནས།། མིག་ལ་ལིང་ཏོག་བྱུང་བ་བཞིན།། ལྷན་ཅིག་མ་རིག་གསུམ་དུ་སྨིན།། དེ་ནས་མ་རིག་སྦུབས་ནང་ནས།། ཕོ་མོ་མ
55a4 ནིང་མ་ཡིན་པའི།། རྒྱུ་འདྲ་གཟུགས་ཉིད་རྫུས་སྐྱེས་བྱུང་།། འཇིག་རྟེན་མེ་དང་མ་རིག་རྒྱས།། ཟླ་དྲུག་ལོན་ནས་ཕོ་མོར་སྨིན།། དེས་སྦྱར་འབྲུ་དྲུག་དུག་ལྔར་སྐྱེད།། དེ་ལ་སྐྱེ་བ་རྣམ་བཞི་ཡིས།། འགྲོ་དྲུག་སེམས་ཅན
55a5 ཚང་བར་བྱས།། འཁྲུལ་གཞི་ཐོག་མ་དེ་ལས་བྱུང་།། དེ་ཡང་འདུས་པའི་སྙིང་པོ་ཉོན།། མེད་པ་ལ་ནི་ཡོད་འཛིན་པས།། འཁྲུལ་གཞི་ལས་ནི་འཁྲུལ་པ་བྱུང་།། དཔེར་ན་ཐོ་ཡོར་མིར་མཐོང་ཚེ།། ཐོ་ཡོར་མི་ནི་མ་ཡིན
55a6 ཏེ།། ཇི་ཞིག་ལྟར་ལ་མི་རུ་མཐོང་།། དེ་བཞིན་གཞི་ལ་ཇི་ཞིག་ལྟར།། གློ་བུར་རྐྱེན་གྱིས་བསྐྱེད་པ་ཡིས།། སེམས་དང་བག་ཆགས་ཀུན་གཞི་བྱུང་།། དེ་ཡང་འདུས་པའི་སྙིང་པོ་ཉོན།། མེད་པ་ལ་ནི་ཡོད་པར
iiif viewer powered by OpenSeadragon
