| e-texts navigator |
| Wylie |
54b1 རིག་མེད་པའི་ཕྱིར།། བག་ཆགས་མ་གོས་འཁྲུལ་མ་མྱོང་།། རྟོགས་པས་མ་བཞག་སངས་མ་རྒྱས།། ཕྱི་ཡི་འབྱུང་བ་མ་ཆགས་ཕྱིར།། རྒྱུ་དང་རྐྱེན་གྱིས་འདུས་མ་བྱས།། དེ་ཡང་འདུས་པའི་སེམས་དཔའ་ཉོན།། རང
54b2 བཞིན་གཞི་ཡི་མཚན་ཉིད་ནི།། རྟོགས་དང་མ་རྟོགས་ཆ་མེད་ཕྱིར།། འཁོར་བ་མྱང་འདས་གཉིས་ཀྱི་གཞི།། ཀུན་ལ་ཡོད་པས་གཞི་ཞེས་བྱ།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར
54b3 བཀའ་བགྲོས་པའི་དོན་རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས། འཁོར་འདས་ཀྱི་གཞི་བསྟན་པའི་ལེའུ་སྟེ་ལྔ་པའོ།། །། དེ་ནས་ཀུན་རིག་རྒྱལ་པོ་ཡིས།། ཇི་ལྟར་འཁྲུལ་ཚུལ་བཀའ་སྩལ་པ།། དང་པོ་འཁོར
54b4 འདས་པར་དོ་ལ།། ཇི་ཞིག་ལྟར་ལ་ཡེངས་ཚུལ་གྱིས།། འཁྲུལ་གཞི་མེད་ལས་འཁྲུལ་པ་བྱུང་།། མེད་ལས་བྱུང་བ་ཡ་མཚན་ཆེ།། དེ་ཡང་འདུས་པའི་སྙིང་པོ་ཉོན།། རྒྱུན་ཙམ་ཅི་ཞིག་དྲན་པ་སྙམ།། ཇི་ཞིག་དྲན་དང་མ
54b5 དྲན་གྱིས།། གང་བློ་མི་འཇུག་དོན་མི་ཤེས།། མ་རིག་གཞི་ནི་ལུང་མ་བསྟན།། འཁྲུས་གཞི་མེད་པའི་འཁྲུལ་པ་དེ།། རང་བཞིན་ལུས་དེ་གྱ་གྱུ་ཡིས།། མེད་ལས་ཡོད་དྲན་ཡུད་ཙམ་བྱུང་།། དེ་ཉིད་རང་བརྗེད་རིམ་གྱིས
54b6 བསྒྲིབས།། དེ་ཉིད་དུས་མཉམ་ལུང་མ་བསྟན།། དེ་ཡང་འདུས་པའི་སྙིང་པོ་ཉོན།། འཁོར་འདས་གཞི་ནི་མ་ཤེས་རྩལ།། འཁོར་བའི་གཞི་ནི་དེ་ཡིན་ཕྱིར།། གྱ་གྱུ་ཙམ་དུ་དྲན་ཡོད་ཀྱང་།། དེ་མ་ཤེས་པ་དེ་ཁོ་ནས།། མ
iiif viewer powered by OpenSeadragon
