| e-texts navigator |
| Wylie |
54a1 དཔེ།། མཛུབ་མོ་ལ་བརྟེན་ཟླ་བ་མཐོང་།། གདམས་ངག་ལ་བརྟེན་ལྷག་མཐོང་ཤར།། དོན་རྟོགས་ཀློང་ནས་ཡེ་ཤེས་འཕྱོ།། རིག་པ་ཆོས་སྐུ་རྣམ་པ་གཉིས།། ཐ་དད་མེད་དེ་ཉི་ཟེར་ཚུལ།། དོན་ལ
54a2 དབྱེར་མེད་ཆོས་ཀྱི་སྐུ།། རྒྱུ་རྐྱེན་མ་བསྐྱེད་ཡེ་ནས་ཡིན།། སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུད་ལས།།
54a3 གདམས་ངག་རྩ་བ་གཅིག་ཏུ་འདུས་པར་བསྟན་པའི་ལེའུ་སྟེ་བཞི་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་ཚོགས་ལ་ཕན་གདགས་ཕྱིར།། ཀུན་རིག་ཆོས་ཀྱི་རྒྱལ་པོ་ལ།། བདེན་པའི་དགོངས
54a4 དོན་འདི་སྐད་གསོལ།། འཁོར་འདས་གཞི་ནི་གང་གིས་བགྱིས།། མ་རིག་གཞི་ནི་གང་གིས་བཙལ།། དེ་ལས་འཁྲུལ་པ་ཇི་ལྟར་བྱུང་།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། ཡེ
54a5 ནས་གནས་པའི་གཞི་ཉིད་ནི།། སྐྱེ་བ་མ་བླངས་དུས་ན་ཡང་།། རྒྱུ་རྐྱེན་མ་སྐྱེས་ཡེ་ཡོད་ཕྱིར།། སྒྲོ་སྐུར་བྲལ་དང་མ་བྲལ་བའི།། རྟོགས་དང་འཁྲུལ་པ་གང་ཡང་མེད།། རིག་དང་མ་རིག་ཤན་མ་ཕྱེད།། ཡེངས་དང་མ
54a6 ཡེངས་ངོས་མ་ཟིན།། རང་རིག་ཧད་དེ་ཙམ་ཡོད་ཀྱང་།། གང་གི་འདུ་ཤེས་མ་ཞུགས་པས།། བྱ་བ་བཏང་བའི་མི་བཞིན་དུ།། འཛིན་མེད་དོན་གྱི་མ་ཟིན་པས།། རང་བཞིན་ལུས་སུ་མིང་བཏགས་ཏེ།། གཞི་ནས་མ
iiif viewer powered by OpenSeadragon
