| e-texts navigator |
| Wylie |
53b1 འཁྲུལ་པའི་ཕྱིར།། བསྒོམ་གོལ་བདུད་བསླུས་པར་དོར་འཁྱམས།། དེ་ཡི་ལྡོག་ཆོས་ཤེས་པ་དགོས།། འཁོར་འདས་མ་རིག་ངེས་པའི་དོན།། བཀའ་རྟགས་ལྔ་ཡི་དོན་བསྡུས་པ།། དད་ལྡན་འཁོར་ལ་ངས་བཤད
53b2 ཀྱིས།། རང་གི་སེམས་ལ་ངེས་པར་ཆོངས།། དེ་ཡང་འདུས་པའི་སྙིང་པོ་ཉོན།། རིག་འཛིན་གྲུབ་ཐོབ་བཀའ་རྟགས་ནི།། སྲས་ལ་རྒྱལ་སྲིད་གཏད་པ་བཞིན།། ལུང་ལྡན་ངེས་པའི་གདམས་ངག་ནི།། སློབ་མ་དད
53b3 ལྡན་འགའ་ལ་གཏད།། རིག་པ་བྱིན་རླབས་བཀའ་རྟགས་ནི།། རིན་ཆེན་གསེར་འགྱུར་རྩི་བཞིན་དུ།། ཐ་མལ་ཤེས་པ་འདི་ཉིད་ལས།། རང་རིག་ཆོས་སྐུར་བྱིན་གྱིས་བརླབས།། ཉམས་སུ་སྦྱོང་བའི་བཀའ་རྟགས
53b4 ནི།། བདེ་བ་སྙིང་ལ་ཞེན་པ་བཞིན།། རང་རིག་ཆོས་སྐུར་ངོ་སྤྲད་པས།། ཞེན་མེད་ཉམས་དང་འབྲལ་མི་ཕོད།། ལ་ཟློ་སྤྱོད་པའི་བཀའ་རྟགས་ནི།། མར་གྱིས་འོ་མ་འཐུངས་པ་བཞིན།། ཅི་སྤྱོད་འབྲལ་མེད་ཆོས་སྐུར
53b5 ཤེས།། གོལ་མེད་ལ་ཟློས་དོན་མི་འབྲལ།། འབྲས་བུ་མཐར་ཕྱིན་བཀའ་བརྟགས་ནི།། ནོར་བུ་རིན་ཆེན་རྙེད་པ་བཞིན།། ཆོས་རྣམས་ཆོས་སྐུར་གཅིག་ཤེས་པས།། འཁོར་སྟོངས་སངས་རྒྱས་སྨོས་ཅི་དགོས།། དེ་ཡང
53b6 འདུས་པའི་སྙིང་པོ་ཉོན།། བཀའ་རྟགས་ལྔ་ནི་གཅིག་ཤེས་ན།། རང་སེམས་རྟོགས་པས་གཞི་དང་ཕྲད།། དེ་ཕྱིར་ཆོས་སྐུ་འབྲལ་མེད་ལམ།། འབྲས་བུ་འགྱུར་མེད་སངས་རྒྱས་ཡིན།། དེ་ཡིས་དེ་ཉིད་མཚོན་པའི
iiif viewer powered by OpenSeadragon
