| e-texts navigator |
| Wylie |
51b1 པ།། ཆོས་ཉིད་ཆོས་སྐུར་དགོངས་པ་གཅིག། གཞན་ན་སངས་རྒྱས་རྡུལ་ཙམ་མེད།། དེ་སྐད་གསུངས་མ་ཐག་ཏུ་ནི།། དེ་ཚེ་དུས་གསུམ་སངས་རྒྱས་དང་།། རྡོ་རྗེ་འཆང་གི་རིག་འཛིན་དང་།། རྒྱལ་སྲས་སྤྲུལ་པའི
51b2 མགོན་པོ་དང་།། དམ་བཏགས་མཁའ་འགྲོ་སྡེ་ལྔ་དང་།། དད་ལྡན་ལྷ་མི་ལས་ཅན་ཀུན།། ཁབ་ལེན་ལ་ནི་ལྕགས་འདུ་བཞིན།། མོས་གུས་དད་པས་འདུས་ནས་ནི།། ལས་དང་ཐུགས་རྗེས་འདུས་ནས
51b3 འཁོད།། རྫོགས་པ་ཆེན་པོ་སངས་རྒྱས་ཐམས་ཅད་ཀྱི་དགོངས་པ་ཆོས་སྐུ་གཅིག་ཏུ་འདུས་པར་བཀའ་བགྲོས་པའི་དོན། རིན་པོ་ཆེ་ཡོན་ཏན་ཀུན་འབྱུང་གི་རྒྱུ་ལས། དཔེ་དོན་ཆེད་དུ་གསུངས་པའི་གླེང་གཞིའི་ལེའུ་སྟེ
51b4 དང་པོའོ།། །། དེ་ནས་ཀུན་རིག་རྒྱལ་པོ་ལ།། འདུས་པའི་འཁོར་གྱི་དོན་ཆེད་དུ།། རྡོ་རྗེ་སེམས་དཔས་དོན་ཞུས་པ།། སེམས་ཅན་མ་རིག་བསལ་བའི་ཕྱིར།། གདུལ་བྱའི་བསམ་པའི་ཁྱད་པར་ལས།། ཅི
51b5 རིགས་པར་ནི་བཀའ་བགྲོས་ལ།། ངེས་དོན་སྙིང་པོ་བཤད་དུ་གསོལ།། ཞུས་པའི་དོན་གསན་བཀའ་སྩལ་པ།། ང་ཡིས་བྱིན་གྱིས་བརླབས་པ་ཡིས།། སངས་རྒྱས་མ་ལུས་འདིར་འདུས་པ།། སྐུ་མེད་གཟུགས་སྐུར
51b6 མངོན་བཞེངས་ལ།། གསུང་མེད་རིག་པའི་དོན་སྒྲོགས་པས།། རང་སེམས་སྙིང་པོ་རྟོགས་པའི་ཐབས།། ཆོས་ཉིད་གནས་ལུགས་གང་ཡིན་པ།། རྟོག་མེད་ཐུགས་རྗེས་བཀའ་བགྲོས་ལ།། སེམས་ཅན་དོན་དུ་བྱིན་གྱིས
iiif viewer powered by OpenSeadragon
