| e-texts navigator |
| Wylie |
51a1 འཛིན་དང་ལས་འདི་སྐད་གསོལ།། དོན་ཆེན་སྨྲ་བའི་སེང་གེ་ཁྱོད།། ཆོས་ཀྱི་སྒོ་མོ་བསམ་ཡས་ཀྱང་།། བཙལ་མེད་ཟུག་མེད་བརྗོད་དུ་མེད།། དེ་དོན་བདག་ལ་བཤད་པར་མཛོད།། དེ་སྐད་ཞུས་པའི
51a2 དོན་གསན་ནས།། མཉམ་པའི་དོན་ལས་རབ་བཞེངས་ནས།། བརྗོད་མེད་དོན་དུ་བསྟན་པའི་ཕྱིར།། དོན་གྱི་བྱིན་རླབས་བཀའ་སྩལ་པ།། བརྗོད་བྱ་ཚིག་དོན་དགོས་པ་ཡི།། ཉིད་དགོས་འབྲེལ་བཅས་དོན་ལྡན
51a3 པ།། རྒྱུད་རྣམས་ཀུན་ལ་ཚང་བ་གཅེས།། དེ་ཕྱིར་ངེས་དོན་བཤད་པ་ཡིན།། དེ་ཡང་རྡོ་རྗེ་སེམས་དཔའ་ཉོན།། ཡེ་ནས་གནས་པའི་ངོ་བོ་ལ།། ཡིན་མིན་བརྟགས་པའི་ཐེ་ཚོམ་དེ།། རྟོག་བྲལ་ཤེས་པ་རང་གནས
51a4 ཕྱིར།། རེ་དོགས་མེད་པའི་དོན་མཐོང་གྱིས།། དེ་སྐད་དོན་གྱིས་གསུངས་པ་དང་།། འདུས་པའི་སྙིང་པོ་སེམས་དགའ་ནས།། ཇི་བཞིན་ལས་ཀྱི་རྒྱུད་དག་ཏུ།། རང་གི་རྟོགས་པ་མངོན་གྱུར་ནས།། ཀུན་བཟང་རིག
51a5 པའི་སྟོན་པ་ལ།། བདེན་པའི་དགོངས་དོན་འདི་སྐད་གསོལ།། རྩོད་བྲལ་ཡང་ཏིའི་རྟོགས་ཚུལ་ནི།། ཡུལ་མེད་རང་བྱུང་ཡེ་ཤེས་ལ།། ཞེན་པ་མེད་པའི་རིག་པ་ཤར།། གཟའ་གཏད་མེད་པའི་ངོ་བོར་རྟོགས།། དེ་སྐད
51a6 ཅེས་ནི་ཞུས་པ་དང་།། དེ་ཡི་བསམ་པ་ཐུགས་ཆུད་དེ།། ཀུན་རིག་སྟོན་པས་བཀའ་སྩལ་པ།། དེ་ལྟར་རྟོགས་པའི་བྱིན་རླབས་ཀྱིས།། ཕྱོགས་བཅུ་དུས་གསུམ་མ་ལུས་པའི།། སངས་རྒྱས་ཇི་སྙེད་གང་བཞུགས
iiif viewer powered by OpenSeadragon
