| e-texts navigator |
| Wylie |
4b1 རྣམ་ཀྱིས་སྤོངས་པར་འགྱུར།། དེ་ཕྱིར་ཤིན་ཏུ་གསང་བའི་དོན།། སྣོད་ལྡན་སློབ་བུ་མི་རྙེད་དཀོན།། དེ་སྐད་བཀའ་སྩལ་དོན་གོ་ནས།། འཁོར་རྣམས་མགྲིན་གཅིག་ཐལ་སྦྱར་ནས།། ཡིད་ཀྱིས་གདུང་བའི་དོན་གསོལ
4b2 པ།། འཁོར་བའི་གཡང་སར་ལྟུང་བ་ལ།། ཐུགས་རྗེ་ཆེན་པོས་མི་འཛིན་ནམ།། རི་དྭགས་འཛིན་པའི་རྒྱར་ཆུད་ན།། རྣམ་རྟོག་དྲ་བ་མི་གཅོད་དམ།། སེམས་ཅན་ལས་ལ་ཐུགས་ཚད་ཀྱང་།། འགྲོ་དོན་སྙིང་རྗེ་མི་མཛད
4b3 དམ།། མ་རིག་མུན་པའི་སྨག་རུམ་དུ།། དམུས་ལོང་བཞིན་དུ་རང་སེམས་འཐིབས།། ཡེ་ཤེས་ཉི་མ་མི་འཆར་རམ།། ཞེ་སྡང་མེ་ཆེན་འབར་བ་ནི།། ལས་ཀྱི་རླུང་དམར་ཆེན་པོས་བུས།། ཆོས་ཉིད་རླན་ཀྱིས་མི་འཇིལ
4b4 ལམ།། འདོད་ཆགས་ཆུ་ལྟར་བྲུབ་པ་ཡིས།། བསེ་རྩི་བཞིན་དུ་ཞེན་པ་ལ།། ཡེ་ཤེས་མེ་ཡིས་མིང་བསྲེག་གམ།། དོན་སྟོར་ལུས་ཀྱི་ནང་དུ་སྟོར།། ལམ་སྟོར་བདག་ལ་ས་མཁན་མཛོད།། དུས་འདིར་འདུས་པ་རྣམས
4b5 ཀྱིས་ཀྱང་།། འགལ་སེམས་རྡུལ་ཙམ་མེད་པར་ནི།། དད་པས་བྱང་ཆུབ་དོན་ལ་མོས།། ངེས་ཤིང་དད་པས་ཡིད་བསྡུས་སོ།། དེ་ནས་ངོ་བོ་ཉིད་སྐུ་དེས།། ཡེ་ཤེས་འཁོར་ལོའི་དགོངས་པ་ལས།། ཐུགས་ནི་མངོན་པར
4b6 བཞེངས་ནས་ཀྱང་།། ཀུན་བཟང་ཆོས་སྐུའི་རྟོགས་དོན་དེ།། འདུས་པའི་འཁོར་ལོ་བཀའ་སྩལ་པ།། ལེགས་སོ་དད་ལྡན་འཁོར་རྣམས་ཉོན།། ལྷག་མཐོང་གསལ་བར་ངས་བཤད་ཀྱི།། ལེགས་པར་ཉོན་ལ་ཡིད་ཀྱིས
iiif viewer powered by OpenSeadragon
