| e-texts navigator |
| Wylie |
49b1 ཀྱིས་བྱིན་བརླབས་པས།། དགོངས་པ་མ་ལུས་བཅུད་བསྡུས་པའི།། མན་ངག་ཚེགས་མེད་ཉིང་ཁུ་འདི།། གལ་ཏེ་ཕྱི་རབས་རྣལ་འབྱོར་པས།། དོན་འདི་འཆད་ཅིང་སྟོན་སྲིད་ན།། དད་པ་རབ་ལྡན་བརྩོན་འགྲུས
49b2 ཆེ།། དུལ་ཞིང་གུས་པར་བླ་མ་འཁུར།། དམ་ཚིག་གཞུང་ལྡན་དབང་རྣམས་རྫོགས།། བློ་རྣོ་ཆགས་མེད་བཟོད་པ་ཆེ།། གཏད་པ་དང་ལེན་ཆུད་མི་གསན།། གདུང་བའི་སེམས་དང་མི་འབྲལ་ཞིང་།། ཕྱི་མ་བྱང་ཆུབ
49b3 དོན་དུ་གཉེར།། དཀའ་དགུ་བསྔོས་ནས་ཞུས་པའི་ཚེ།། དུས་གསུམ་སངས་རྒྱས་དཔང་བཙུག་ལ།། གིང་ཆེན་དམ་མེད་ཤན་པར་བསྒོ།། རྒྱལ་ཆེན་བཞི་ནི་མཚམས་པར་བཙུགས།། གཞན་ལ་མི་སྤེལ་མནའ་བོར
49b4 ཏེ།། ཆོས་ཀྱི་གཏེར་གྱི་འབྱུང་གནས་འདི།། མན་ངག་སྙིང་པོ་ཚང་བར་བསྟན།། ཚོགས་ཀྱི་མཆོད་པ་ཅི་ནུས་བྱ།། དེ་ལྟར་མི་ནུས་སྣོད་ངན་ན།། དཔེར་ན་དོན་མེད་གཡེངས་པ་ཝ།། གཞན་ལ་ཁྲོ་ཞིང་གཏུམ་པ
49b5 དོམ།། རྟག་ཏུ་དྲན་མྱོས་གླང་ཆེན་སྐྱོན།། མེད་པ་ཟ་འདོད་ལྕེ་སྤྱང་ཁ།། ཁ་འཇམ་དོན་འཁྲི་རེག་འཇམ་སྤུ།། བསླབ་པ་མི་ཉན་དུད་འགྲོ་ཕྱུགས།། བྱི་ལ་མནོག་ཆུང་འཚང་རྫོགས་ལ།། སྙིང་སྒོར་ཕྱུང་ཡང་མི་བསྟན
49b6 ནོ།། སྲོག་ཆད་པ་ཡི་ཁ་བཞིན་སྡོམས།། དེ་ལྟ་བུ་ཡི་སྣོད་ངན་ལ།། མན་ངག་ཟབ་མོ་ཅི་བསྟན་ཀྱང་།། དད་ཆུང་མན་ངག་ཀུན་ལ་སྤེལ།། བླ་མ་སྨོད་ཅིང་རང་ཆེ་འབྱིན།། དེ་ལྟ་བུ་ཡི་མི་ངན་ལ།། འདི་སྤེལ་ཚེ་ཐུང་ནད
iiif viewer powered by OpenSeadragon
