| e-texts navigator |
| Wylie |
48b1 ལ།། གོལ་ས་ལྟ་བར་ཤེས་པའི་ཕྱིར།། བཙལ་དུ་མེད་དེ་ཡུལ་ལས་འདས།། བསྒོམ་དུ་མེད་ཕྱིར་ཡེངས་པ་མེད།། འདུས་མ་བྱས་པའི་ཡེ་ཤེས་ནི།། སྐྱེ་ཤི་མེད་པ་རང་གི་སེམས།། ཞེ་སྡང་སྐྱོན་གྱིས་མི་གོས་ཏེ།། དོན
48b2 ལྡན་ཕྱིར་ན་རང་སར་གྲོལ།། ད་ལྟའི་རང་སེམས་འདི་ཉིད་ལ།། འགག་པ་མེད་པས་རིག་པ་སྟོང་།། ཅི་སྤྱད་དོན་ལས་མི་འདའ་བར།། སྙིང་པོའི་དོན་ལ་འགྱུར་བ་མེད།། ཇི་བཞིན་པ་ལ་མ་སྐྱེས་ཕྱིར།། ང་རྒྱལ་སྐྱེ
48b3 མེད་ངོ་བོ་ཉིད།། དེ་ཕྱིར་མི་དམིགས་ཆོས་ཀྱི་སྐུ།། བཙལ་བས་མི་འགྱུར་བདེ་ཆེན་ཀློང་།། དུས་གསུམ་མེད་དེ་རང་སེམས་ལས།། དངོས་མེད་ཡེ་ཤེས་གསལ་བའི་ཕྱིར།། གཟུང་དུ་མེད་པར་ཞེ་མ་གཅོད།། ཅི་སྤྱོད
48b4 ཆོས་ཉིད་ལོངས་སྤྱོད་རྒྱན།། ལྔ་ཕྱི་མ་སོང་དོན་གསལ་དོན།། ཕོ་མོ་ཆགས་པ་ཅི་སྤྱད་ཀྱང་།། གོལ་མེད་ཡེ་ཤེས་རྒྱུན་མི་ཆད།། བདེ་ཆེན་ལོངས་སྤྱོད་ཆེན་པོར་ཤར།། རེ་དོགས་མེད་པའི་ལྟ་བ་ལ།། རྩོལ་མེད་པ་ཡི
48b5 ཏིང་འཛིན་གསལ།། རང་ཡིད་ཆེས་ལ་ཁར་མི་ཐོན།། དེ་ཉིད་བྱང་ཆུབ་བདེ་བའི་ཀློང་།། ནོར་བུ་ཆུ་དངས་དཔེ་བཞིན་དུ།། སྣང་སྲིད་གསལ་ལ་ཞེན་མེད་དོ།། དྲན་པ་ཙམ་གྱིས་ཡེ་ཤེས་གསལ།། དེ་ཕྱིར་ཉམས་ཀྱི
48b6 དམ་པ་ཡིན།། དེ་ཡང་འདུས་པའི་སྙིང་པོ་ཉོན།། རྒྱལ་སྲས་སྤྲུལ་པ་དད་ལྡན་གྱིས།། རང་རང་རྟོགས་པའི་དོན་བརྗོད་པ།། ཞལ་མཐོང་སྤྲུལ་པ་བདག་གིས་ནི།། དུས་གསུམ་རང་སེམས་འགྱུར་མེད་དེ།། མཐའ
iiif viewer powered by OpenSeadragon
