| e-texts navigator |
| Wylie |
48a1 ཆུབ་སྐུ།། མ་བསྒོམས་འབྲལ་མེད་བདེ་བའི་མཆོག། བརྗོད་དུ་མེད་པའི་ཤེས་རབ་ལས།། དམིགས་པ་མེད་པའི་ཏིང་འཛིན་གསལ།། མ་བསྒོམས་ཡེ་ཤེས་ད་ལྟ་ཉིད།། འབྱུང་འཇུག་མེད་པ་རྒྱུན་དུ
48a2 གནས།། རང་སེམས་སྙིང་པོ་འདི་ཉིད་ནི།། ཅི་ཡང་མ་བཅོས་རང་རིག་གསལ།། དེ་ཉིད་རང་རིག་བྱང་ཆུབ་སེམས།། དེ་ལ་མི་བཙལ་དོན་ལ་བཞག། དུས་གསུམ་སངས་རྒྱས་དེ་དག་གིས།། རང་རང་རྟོགས་པ
48a3 བརྗོད་པའི་ཕྱིར།། དེ་དོན་སངས་རྒྱས་ཐམས་ཅད་ཀྱི།། དགོངས་པ་གཅིག་ཕྱིར་ཡེ་ཤེས་མཐུན།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། དུས་གསུམ་སངས་རྒྱས་རྣམས་ཀྱི་རྟོགས
48a4 པ་བརྗོད་པའི་ལེའུ་སྟེ་ང་གཅིག་པའོ།། །། དེ་ནས་རིག་འཛིན་སེམས་དཔའ་ནི།། རྡོ་རྗེ་སྣང་བ་ཡེ་ཤེས་སྤྱན།། ཡེ་ཤེས་དཔལ་དང་རྡོ་རྗེ་དབྱིངས།། ཡོན་ཏན་སྙིང་པོ་དཔལ་འབར་བ།། སྐྱོན་མེད་གྲགས་དང
48a5 དཔལ་ལྡན་བདེ།། གྲུབ་པ་རྩལ་དང་ལས་ཀྱི་སེམས།། གོ་རིམ་བཞིན་དུ་རྟོགས་བརྗོད་པ།། ཐོག་མའི་ཡེ་ཤེས་འདི་ཉིད་ནི།། དམིགས་འཛིན་མེད་པར་ངང་གིས་གསལ།། འགག་པ་མེད་ལ་རིག་པ་སྟོང་།། དེ་ལས་མི
48a6 འདའ་སངས་རྒྱས་ཐུགས།། རིན་ཆེན་འོད་ཀྱིས་མུན་སེལ་ལྟར།། རང་སེམས་རྟོགས་པའི་དོན་འདི་ལ།། དྲན་པ་མ་ཡིན་མ་རིག་མེད།། གང་ཡང་མ་བསམ་འགྱུར་མེད་དོན།། སྤྲོས་བྲལ་གཉུག་མའི་སེམས་འདི
iiif viewer powered by OpenSeadragon
