| e-texts navigator |
| Wylie |
47b1 རྟོགས་ན།། གཞན་དུ་མི་བསྒོམ་ད་ལྟའི་སེམས།། དེ་ཉིད་ལས་ནི་བོགས་མི་འདོན།། དང་པོའི་ངོ་བོ་ཉིད་ཀྱི་སྐུ།། དེ་རྟོགས་ཆོས་སྐུ་འགྱུར་མེད་ལ།། མ་བཅོས་རང་གསལ་འཛིན་མེད་པས།། དེ་ལས་གཞན་པ་བསྒོམ
47b2 དུ་མེད།། རྒྱུན་གྱི་གདམས་ངག་དོན་རྙེད་པས།། ཐ་མལ་ལུས་དང་བཅས་པ་ཡིས།། རང་སེམས་སྙིང་པོ་རྟོགས་པའི་ཕྱིར།། ད་ལྟའི་ཆོས་སྐུ་ཁ་མིག་ཅན།། ལུས་ཀྱི་ནང་ན་ཡེ་ཤེས་བཞུགས།། དེ་ཡང་ཀུན་བཟང་ངེས
47b3 པར་གསོན།། མེ་ཏྲི་མཐུ་ཆེན་ཐོབ་དང་ནི།། ཐུགས་རྗེ་ཅན་དང་འཇམ་པའི་དཔལ།། དྲི་མ་མེད་དང་ཕྱག་ན་རྡོར།། དགའ་བའི་དབང་པོ་རྣམས་ཀྱིས་ནི།། རང་རང་རྟོགས་པའི་དོན་བརྗོད་པ།། ད་ལྟའི་ཤེས་པ་འདི
47b4 ཉིད་ལས།། གཟུང་འཛིན་མེད་པའི་བྱང་ཆུབ་སེམས།། དེ་ལ་ཡིད་ཆེས་རིག་པའི་རྒྱུན།། ལྷུན་གྱིས་གྲུབ་ཅེས་དེ་ལ་བྱ།། འཁྲུལ་པའི་རྟོག་པ་ཅིར་སྣང་ཡང་།། དོན་གྱི་དགག་བསྒྲུབ་མ་ཞུགས་ན།། ཟབ་ཅིང་ཆ་ཕྲ
47b5 རྟོགས་དོན་དེ།། རྒྱལ་བ་རྣམས་ཀྱི་དགོངས་པ་ཡིན།། སྔ་ཕྱི་ཞེན་པའི་ཡུལ་རྣམས་ལ།། རྟོག་པ་མ་ཞུགས་ཡེངས་མེད་དོན།། བསྒོམ་དུ་མེད་པར་ཡེ་ནས་ཤེས།། དེ་ཙམ་ཉིད་ན་རྒྱུན་མི་འཆད།། དུས་དང་གནས
47b6 སྐབས་ཐམས་ཅད་དུ།། རང་སེམས་རྣལ་དུ་རིག་པ་ལ།། རྒྱུན་མི་འཆད་དུ་ཡེ་ཤེས་གསལ།། དེ་ཉིད་དོན་ལ་འགྱུར་བ་མེད།། སྐྱེ་ཤི་མེད་པར་རང་གི་སེམས།། དེ་རྟོགས་བསྒོམ་དུ་རྡུལ་ཙམ་མེད།། དེ་ཉིད་རིག་པ་བྱང
iiif viewer powered by OpenSeadragon
