| e-texts navigator |
| Wylie |
45b1 འགྲུབ་སྙམ་པའི་ཁར་མ་ལུས།། མཉམ་པའི་དོན་ལ་ཡེ་གནས་པས།། འབྲས་བུ་རིག་པ་ད་ལྟ་ཉིད།། དེ་ཉིད་མི་བརྗོད་དོན་ལྡན་པས།། མྱང་འདས་ཞེས་ནི་དེ་ལ་བྱ།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ
45b2 ཀློསློང་ཡངས་ཀྱི་རྒྱུད་ལས། སྣང་མེད་ཀྱི་རིག་པའི་རྟོགས་དུས་བསྟན་པའི་ལེའུ་སྟེ་ཞེ་དགུ་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། ང་ཡི་མཛད་སྤྱོད་ཆེན་པོ་ནི།། སྐུ
45b3 མེད་གཟུགས་སྐུར་བྱུང་བས་ནི།། ཐམས་ཅད་ཟིལ་གྱིས་གནོན་པར་བྱེད།། ཚིག་མེད་རིག་པའི་གསུང་གིས་ནི།། སངས་རྒྱས་བསྟན་པ་རྒྱས་པར་སྒྲོགས།། རྣམ་པར་རྟོག་མེད་ཡེ་ཤེས་ཐུགས།། ཅིར་ཡང་ས་ལེ་ཐམས
45b4 ཅད་མཁྱེན།། སྟོང་གསུམ་འཇིག་རྟེན་ཐམས་ཅད་ནི།། ང་ཡི་བཞུགས་གནས་གཟིགས་མོའི་ས།། དེ་ཡང་འདུས་པའི་སྙིང་པོ་ཉོན།། སྤྲོས་ཀྱང་ང་ལ་བསྡུས་ཀྱང་ང་།། ང་ཡི་སྐུ་གསུང་ཐུགས་ལས་ནི།། འཁོར་བ་བྱ་བ
45b5 གདོད་ནས་མེད།། དེ་ཡང་རྡོ་རྗེ་སེམས་དཔའ་ཉོན།། ཡེ་ནས་གནས་པའི་གཞི་ཉིད་ནི།། ཆོས་ཀྱི་སྐུ་ཡི་ཐུགས་སུ་བསྟན།། དེ་ཉིད་རྟོགས་པའི་ཡེ་ཤེས་དེ།། ཆོས་ཀྱི་སྐུ་ཡི་ལོངས་སྤྱོད་ཐུགས།། དྲན་རྟོག་དོན་དུ་ཤེས་པ
45b6 དེ།། ཆོས་ཀྱི་སྐུ་ཡི་སྤྲུལ་པའི་ཐུགས།། དོན་ལྡན་གཟུགས་ཀྱི་ཕུང་པོ་འདི།། ལོངས་སྤྱོད་རྫོགས་པའི་ཆོས་ཀྱི་སྐུ།། དབང་པོ་མ་འགགས་གསལ་བ་དེ།། ལོངས་སྤྱོད་རྫོགས་པའི་ལོངས་སྤྱོད་སྐུ།། བསྐུལ་བསྐྱོད་ཡན
iiif viewer powered by OpenSeadragon
