| e-texts navigator |
| Wylie |
45a1 མེད་པར་རང་སེམས་རྟོགས།། དེ་དོན་རྟོགས་པའི་མཆོག་ཡིན་པས།། སངས་རྒྱས་ཀུན་དང་དགོངས་པ་གཅིག། དེ་ཡང་འདུས་པའི་འཁོར་རྣམས་ཉོན།། དཔེར་ན་རེག་འཇམ་སྤུ་ཡིས་ནི།། གང་རེག
45a2 འཇམ་ཞིང་སྦྲུས་མི་གོས།། དེ་བཞིན་རྣལ་འབྱོར་ཡུལ་ཕྲད་ཀྱང་།། དེ་ལ་སྐྱོན་གྱིས་གོས་པ་མེད།། དེ་ཕྱིར་དུས་རྣམས་ཀུན་ཏུ་ནི།། འབྲལ་མེད་ཡེ་ཤེས་ཐུགས་ལ་གསལ།། དེ་ཚེ་རང་ཉིད་རྟོགས་པའི་ཐབས།། དུས
45a3 འདི་ཉིད་དུ་རྟོགས་པར་གསུངས།། དེ་ཡང་འདུས་པའི་སྙིང་པོ་ཉོན།། དཔེར་ན་ནམ་མཁའ་ལྡིངས་ཆེན་ནི།། བདག་གཞན་ཀུན་ལ་མཛེས་པ་བཞིན།། རྣལ་འབྱོར་སོ་ཐུབ་བག་ཟོན་ཅན།། གོལ་ས་མེད་ཅིང་སྒྲོ་སྐུར
45a4 སྤང་།། དཔེར་ན་ཆུ་གཏིང་རྒྱ་མཚོའི་གསེར།། བསྐལ་པར་བཞག་ཀྱང་གཡས་མི་གོས།། དེ་བཞིན་དོན་རྟོགས་རྣལ་འབྱོར་པས།། འཁོར་བར་གནས་ཀྱང་གོས་པ་མེད།། དེ་ཡང་འདུས་པའི་སྙིང་པོ་ཉོན།། དཔེར་ན
45a5 དབུས་ཀྱི་མཆོག་རབ་ནི།། འགྱུར་བ་མེད་པར་བརྟན་པ་སྟེ།། དེ་ཕྱིར་རང་བྱུང་མ་བལྟས་གསལ།། དེ་ཕྱིར་ཆོས་ཉིད་མི་འགྱུར་བརྟན།། དེ་ལ་རྟོག་པས་མི་གོས་ཏེ།། ད་ལྟ་ཉིད་དུ་རྟོགས་པའི་ཐབས།། དེས་ན་ཚེགས
45a6 མེད་དོན་པོ་ཆེ།། བསམ་པ་ཙམ་གྱིས་འགྲུབ་པའི་མཆོག། དེ་ཡང་འདུས་པའི་སྙིང་པོ་ཉོན།། རང་སེམས་རྟོགས་པའི་འབྲས་བུ་ལ།། བསྟུན་ཏེ་ཅིག་ཅར་འཇུག་ནུས་ན།། བསྒོམ་པའི་ཐུན་ལ་རིང་ཟུང་མེད།། ནམ
iiif viewer powered by OpenSeadragon
