| e-texts navigator |
| Wylie |
44b1 མཐོང་།། རིག་པ་ཡེ་ཤེས་ཆོས་ཉིད་ནི།། དུས་གསུམ་དག་ཏུ་སྐྱེ་འགག་མེད།། སྔར་མ་མཐོང་བའི་དོན་མཐོང་བ།། བློ་ལ་རྒྱུརྒྱས་པ་ཁོ་ནར་ཟད།། དེ་ལྟར་རིག་པའི་དོན་མཐོང་ན།། མཚན་མར་མཐོང་བ་ཅི་ཡང
44b2 མེད།། རིན་ཆེན་ངན་ཁུང་སྟོར་གྱུར་ཀྱང་།། དེ་ཡི་ཡོན་ཏན་མཁའ་ལ་འབྱུང་།། དེ་བཞིན་རང་སེམས་ངོ་བོ་ཉིད།། མངལ་དུ་རང་སེམས་བྱིང་འགྱུར་ཀྱང་།། རང་གསལ་ཡེ་ཤེས་རྒྱུན་མི་འཆད།། རྫོགས་པ་ཆེན་པོ་ལྟ
44b3 བཔབའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། ངེས་པའི་བདེན་པ་མཐོང་བར་བསྟན་པའི་ལེའུ་སྟེ་ཞེ་བརྒྱད་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སེམས་ཀྱི་རྒྱལ་པོ་ཡིས།། སྣང
44b4 མེད་རིག་པ་བཀའ་སྩལ་པ།། བུམ་པའི་ནང་གི་མར་མེ་བཞིན།། ལུས་ཀྱི་ནང་ན་ཆོས་སྐུ་གསལ།། ནང་ནས་སྒོ་ལྔའི་འོད་ཤར་བས།། སྣང་བ་གྲོགས་སུ་འོང་བ་སྙམ།། དེ་ཚེ་ཐ་མལ་ལུས་འདི་ལ།། བརྟེན་པའི་རྣལ
44b5 འབྱོར་ལས་ཅན་ཀུན།། སྣང་མེད་རིག་པ་རྒྱུན་མི་འཆད།། དེ་ཉིད་སངས་རྒྱས་དེ་ལས་འབྱུང་།། དེ་སེམས་མ་བཅོས་ངང་གིས་གསལ།། གསལ་ཡང་ཡུལ་ལ་ཞེན་མེད་གྲོལ།། ལུས་ཀྱི་ནང་ན་སངས་རྒྱས་གནས།། དེ
44b6 ཕྱིར་ལུས་ལ་སྨད་མི་བྱ།། དཔེར་ན་ཅང་ཤེས་རྟ་ཕོ་ཡིས།། ཡིད་ཀྱིས་བསམ་སར་ལུས་ཀྱིས་ཕྱིན།། དེ་བཞིན་གང་དྲན་ཆོས་སྐུར་གསལ།། སྒྲིབ་པ་ནུབ་པ་བྱ་བ་མེད།། དེ་ཕྱིར་ཅི་སྤྱོད་ཡེ་ཤེས་ལ།། འཕེལ་འགྲིབ
iiif viewer powered by OpenSeadragon
