| e-texts navigator |
| Wylie |
44a1 ལ།། བཅོམ་ལྡན་འདས་ཀྱི་བཀའ་སྩལ་པ།། འཁོར་འདས་འབྱུང་བའི་རྩ་བ་ནི།། ཕ་མ་མེད་པའི་བུ་བཞི་ཡོད།། དེ་ཡང་གདོད་ནས་གཅིག་ལས་གཉིས།། གསུམ་ལ་འབྲེལ་ཡོད་གཅིག་ལ
44a2 མེད།། བདེན་མཐོང་སྣང་མེད་རྟོགས་དུས་ཡིན།། དེ་ཡང་འདུས་པའི་འཁོར་རྣམས་ཉོན།། གཅིག་ནི་ནམ་མཁའི་མཐོངས་སུ་ཚར།། མིང་ནི་འབྱུང་བ་རྣམ་པ་ལྔ།། སྣང་སྲིད་ཀུན་གྱི་མེས་པོར་སྣང་།། ཕྱི་ནང་སྣོད
44a3 བཅུད་དེ་ལས་བསྐྱེད།། གཅིག་ནི་ཆོས་ཀྱི་དབྱིངས་སུ་ཚར།། མིང་ནི་ཆོས་སྐུ་ཀུན་ཏུ་བཟང་།། སངས་རྒྱས་ཀུན་གྱི་མེས་པོར་གྲགས།། ཐེག་པའི་ཆོས་རྣམས་དེ་ལས་བྱུང་།། གཅིག་ནི་མ་རིག་མུན་པར་ཚར།། མིང་ནི
44a4 འགྲོ་དྲུག་སེམས་ཅན་ཏེ།། ཆགས་སྡང་ལྔ་ལ་ལོངས་སྤྱོད་པས།། འཁོར་བའི་སྡུག་བསྔལ་དེ་ལ་སྨིན།། གཅིག་ནི་འཁོར་འདས་གོང་དུ་ཚར།། མིང་ནི་ངོ་བོ་ཉིད་ཀྱི་སྐུ།། འཁོར་འདས་རབས་ཆད་ཡང་མེས་པོ།། དེ
44a5 རྟོགས་གདོད་ནས་སྐྱེ་ཤི་མེད།། དེ་ཡང་རྡོ་རྗེ་སེམས་དཔའ་ཉོན།། སྐལ་ལྡན་རྣམས་ཀྱི་རང་རིག་པ།། ཚིག་ཏུ་མཚོན་པར་མི་ནུས་ཀྱང་།། སེམས་ལ་རྟོགས་པ་ཡོད་པའི་ཕྱིར།། དོན་ཆེན་ཡི་གེ་དམ་པའི་མཆོག། ལྟ་བ
44a6 རང་སེམས་ངོ་བོ་ཉིད།། འཁོར་འདས་གཉིས་ལས་འདས་པའོ།། སྒོམ་དུ་མེད་པ་ཡིད་ལས་དྲན།། རང་སེམས་སྙིང་པོ་རྟོགས་པའི་ཐབས།། དེ་ཕྱིར་སེམས་ཀྱིས་སེམས་རྟོགས་ནས།། དེ་ཡང་དངོས་པོར་ཅང་མ
iiif viewer powered by OpenSeadragon
