| e-texts navigator |
| Wylie |
43a1 གསོལ།། འབྲས་བུ་ཡོན་ཏན་གདུལ་བྱ་ཡི།། ལྟ་བའི་དམ་ཚིག་ཉམས་པ་གང་གིས་བསྐང་།། རྩ་བ་གཅིག་པའི་བདེན་པ་གང་།། སྣང་མེད་རིག་པའི་རྟོགས་དུས་ནམ།། རྟོགས་པའི་མཛད་སྤྱོད་ཇི
43a2 ལྟར་སྤྱོད།། ཀུན་རིག་རྒྱལ་པོས་ལུང་བསྟན་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། ལྟ་བ་ཉམས་པ་སྐོང་ཐབས་ནི།། ཉེས་འགྱོད་ཡིད་ལ་བྱས་ནས་སུ།། བླ་མ་མཁས་པ
43a3 དོན་ལྡན་ལ།། དབང་རྣམས་རིམ་པར་ནོས་ནས་ནི།། རང་སེམས་དཔང་བཙུག་དོན་ཞུས་ནས།། རྒྱུན་དུ་མི་གཏོང་གུས་པའི་ཆོས།། ལྟ་བས་སེམས་རྟོགས་མ་བརྗེད་པས།། རྒྱུན་དུ་མི་འབྲལ་སྒོམ་པའི་མཆོག། རྟགས
43a4 ནི་ཤིན་ཏུ་གསལ་བའི་ཉམས།། བརྩོན་འགྲུས་མ་ཡེངས་གུས་པའི་ཐབས།། ཤེས་རབ་གོ་བ་དད་པའི་ཐབས།། རང་སེམས་གདེང་ནི་འགྱུར་བ་མེད།། ཡུལ་ནི་མ་འགགས་ཆོས་ཀྱི་དབྱིངས།། སྤྱོད་པ་མ་འགགས་ཁོང
43a5 ཁྲེལ་མེད།། གཡོ་སྒྱུ་མེད་པའི་དམ་ཚིག་གིས།། བརྩེ་གདུང་ཆོས་བྱེད་མི་འགྱོད་པ།། རིག་པ་སོ་ཐུབ་དགོན་པའི་མཆོག། བག་ཆགས་རྗེས་མེད་ཤེས་རབ་སྟེ།། རྒྱུན་དུ་གསལ་འདེབས་ཆོས་སྤྱོད་ཡིན།། ཐེ་ཚོམ་མི་ཟ
43a6 བསྐངས་པའི་ཚད།། དེས་བསྐང་གདེང་ཆེན་ངས་བཤད་ཉོན།། རང་བཞིན་དག་པའི་ངོ་བོ་ལ།། མིང་གི་ཐ་སྙད་འཛིན་མེད་པས།། ཡུལ་ལ་མི་ཞེན་རང་སར་གྲོལ།། བསམ་གཏན་བཙལ་མེད་ཉམས་ཀྱི་གདེང་།། ཕན
iiif viewer powered by OpenSeadragon
