| e-texts navigator |
| Wylie |
42a1 པས།། མ་བསྒོམས་དོན་དང་མི་འབྲལ་ཕྱིར།། མ་ཆགས་མི་གཡོ་སྟོབས་ལྡན་པས།། མཆོད་པའི་སྒྲིབ་པ་དེ་ལ་མེད།། རང་རིག་རྟོགས་པའི་ཉམས་དང་ནི།། སངས་རྒྱས་བཀའ་དང་མཐུན་པའི
42a2 ཕྱིར།། ངེས་པའི་དོན་ལ་ཡིད་ཆེས་པས།། ཐེ་ཚོམ་སྒྲིབ་པ་དེ་ལ་མེད།། དེ་ལ་སོགས་པའི་གོལ་སྒྲིབ་རྣམས།། བརྒྱ་དང་བརྒྱད་ཅུ་གྲངས་མང་ཡང་།། སྤོང་སྡུད་ཞེན་པ་གསུམ་དུ་འདུས།། དེ་ལས་གཞན་པའི་གོལ་སྒྲིབ
42a3 མེད།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། མ་རིག་རྩོལ་བའི་སྒྲིབ་པ་མེད་པར་བསྟན་པའི་ལེའུ་སྟེ་ཞེ་ལྔ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་རྒྱལ
42a4 པོས་ཡང་གསུངས་པ།། ཡང་དག་སེམས་ཀྱི་ཉིང་ཁུའི་དོན།། ཡེ་ནས་ཆོས་སྐུ་འབྲལ་མེད་ཕྱིར།། ཉམས་ཀྱི་རིམ་པ་ལྔ་གསུངས་པ།། དང་པོ་མཁའ་ལ་ཉི་ཤར་བཞིན།། མ་རིག་སྒྲིབ་པ་མེད་རྟོགས་པས།། རང་རིག
42a5 ཆོས་སྐུར་ཡིད་ཆེས་དོན།། ཚིག་མཐས་མ་རེག་རང་གསལ་ཉམས།། གསེར་འགྱུར་རྩི་ཡིས་ཐེབས་པ་བཞིན།། རྟོགས་དང་མི་རྟོགས་ཐམས་ཅད་དུ།། ལྟ་བ་སེམས་ཀྱི་སེམས་ཉིད་གསལ།། རང་རྒྱུད་ཟིལ་གྱིས་གནོན
42a6 པའི་ཉམས།། སྐྱེས་བུ་བྱ་བ་བཏང་བ་བཞིན།། སྣང་བའི་གཟུགས་སོགས་གང་ལ་ཡང་།། བརྟག་དཔྱད་མ་བྱས་སྒོ་ལྔ་གསལ།། སྣང་བ་ཆོས་ཉིད་གདེང་ལྡན་ཉམས།། འབྱུང་བ་ནམ་མཁའ་མི་འགྱུར་ལྟར།། ཡུལ་གྱི
iiif viewer powered by OpenSeadragon
