| e-texts navigator |
| Wylie |
41b1 དགོས་པས།། རེ་དོགས་སྤྱོད་པར་དེ་མི་གོལ།། སྣང་བ་རང་གི་བློས་བྱས་པའི།། ཡུལ་སེམས་བསྲེ་བའི་ལྟ་བ་ཡི།། གཉིས་མེད་དོན་ལ་མི་གཏོད་པས།། ཕྱོགས་ཅན་ལྟ་བར་དེ་མི་གོལ།། རང་སེམས་སྙིང་པོ་ཆོས་ཀྱི
41b2 སྐུ།། ལྟ་བ་རྟོགས་པའི་དོན་ཉིད་ལས།། དེ་ལས་གཞན་དུ་མི་རྩོལ་བས།། གོལ་སྒྲིབ་བྱ་བའི་མིང་མེད་དོ།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། གསང་སྔགས་གོལ་ས་མེད་པར
41b3 བསྟན་པའི་ལེའུ་སྟེ་ཞེ་བཞི་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། སྒྲིབ་པ་དག་པའི་མཚན་ཉིད་ནི།། བླ་མ་དམ་པའི་གདམས་ངག་གིས།། ཡེ་ཤེས་ཆེན་པོར་ངོས
41b4 འཛིན་པས།། སྐབས་འབྱེད་སྒྲིབ་པ་དེ་ལ་མེད།། ཀུན་གཞི་གཞི་ཆ་རང་གསལ་ལ།། སྔ་ཕྱིར་རྗེས་སུ་མ་འབྲེངས་པས།། རང་སེམས་ཆོས་སྐུ་ངོས་ཟིན་པས།། བསླད་པའི་སྒྲིབ་པ་དེ་ལ་མེད།། ཀུན་བརྟགས་མ་རིག
41b5 རྐྱེན་བྱས་པས།། འཁྲུལ་པ་དག་གི་ཡུལ་རྣམས་ནི།། སྔ་ཕྱི་གློ་བུར་དངོས་མེད་པས།། ཕྱོགས་ལྷུང་སྒྲིབ་པ་དེ་ལ་མེད། ཀུན་བཟང་ཉིད་ཀྱི་བཀའ་ཉིད་ལས།། བླ་མའི་གདམས་ངག་མ་ཆད་ཅིང་།། ལྟ་བ་ངེས་པའི
41b6 གདེང་ཟིན་པས།། ཚོགས་ཀྱི་སྒྲིབ་པ་དེ་ལ་མེད།། ཞི་རྒྱས་དབང་དང་དྲག་པོ་དང་།། ས་མ་ཏི་ཡི་དགོངས་པ་ཡིས།། བླ་ན་མེད་པའི་དོན་རྟོགས་པས།། ལས་བཞིའི་སྒྲིབ་པ་དེ་ལ་མེད།། འཁོར་འདས་མ་རིག་ངོས་ཟིན
iiif viewer powered by OpenSeadragon
