| e-texts navigator |
| Wylie |
41a1 བསམ་གཏན་གྱི་གོལ་ས་མེད་པར་བསྟན་པའི་ལེའུ་སྟེ་ཞེ་གསུམ་པའོ།། །། དེ་ནས་ཀུན་རིག་རྒྱལ་པོ་དེས།། འདུས་པའི་འཁོར་ལ་ཡང་གསུངས་པ།། ཆོས་ཉིད་དག་པའི་ངང་ལས་ནི།། རིགས
41a2 གསུམ་དཀྱིལ་འཁོར་ལྟར་མ་བསྐྱེད།། དག་གཞིའི་ཏིང་འཛིན་མི་བསྒོམ་པས།། ཀྲི་ཡའི་ཐེག་པར་དེ་མི་གོལ།། ལྟ་བ་ཡོ་གར་བལྟ་བ་དང་།། སྤྱོད་པ་ཀྲི་ཡར་སྤྱོད་པ་དང་།། རྣམ་གཉིས་འཛིན་པར་མི་བསྒོམ
41a3 པས།། ཨུ་པ་ཡར་ནི་དེ་མི་གོལ།། ཆོས་ཉིད་དབྱིངས་ཀྱི་ཡེ་ཤེས་ཀྱི།། ཆོ་འཕྲུལ་ལྷ་ཡི་ང་རྒྱལ་གྱིས།། བྱང་ཆུབ་རྣམ་ལྔ་མི་བསྒོམས་པས།། ཡོ་གའི་སེམས་དཔར་དེ་མི་གོལ།། ཕུང་པོ་ཁམས་དང་སྐྱེ་མཆེད་ཀྱི།། རྟོག
41a4 ཚོགས་དགྲ་རྣམས་མང་པོ་ཡིས།། རྣམ་རྟོག་ལྷར་ནི་མ་བསྒྱུར་བས།། མ་ཧཱ་ཡོ་གར་དེ་མི་གོལ།། ལས་ཀྱི་ཕྱག་རྒྱ་གཞིར་བཞག་ནས།། རྩ་དང་ཐིག་ལེ་བདེ་བ་ཡི།། ཐབས་ཀྱིས་འཛིན་པ་མ་བསྒོམས་པས།། ཆགས
41a5 པའི་ལམ་དུ་དེ་མི་གོལ།། ཀུན་གཞི་དག་པའི་མཁའ་ཀློང་དུ།། བདེ་ཆེན་གཉིས་མེད་རིག་པའི་རྩལ།། འདུ་འབྲལ་མེད་འཇོག་ཡིད་མེད་པས།། ཨ་ནུ་ཡོ་གར་དེ་མི་གོལ།། འཁོར་འདས་གཉིས་ཀྱི་རྣམ་པ་ལ།། ཡིན
41a6 དང་མིན་པའི་ཆོས་རྣམས་ཀུན།། སེམས་ཀྱིས་མཚོན་དུ་མེད་རྟོགས་པས།། མཚན་མའི་རྐྱེན་དུ་དེ་མི་གོལ།། རྣལ་འབྱོར་སྤྱོད་པ་རྣམ་གསུམ་གྱིས།། ཞུམ་པ་མེད་པའི་སེམས་ཉིད་ཀྱིས།། བརྟུལ་ཞུགས་ཕྱི་ནང་མི
iiif viewer powered by OpenSeadragon
