| e-texts navigator |
| Wylie |
40b1 དགག་པས།། འདུ་ཤེས་མེད་པར་དེ་མི་གོལ།། རང་བྱུང་རང་སྣང་འདི་ཉིད་ལ།། སེམས་ཀྱི་རྩོལ་བའི་གཉེན་པོ་ཡིས།། རྣམ་རྟོག་མ་སྤངས་རང་ཞི་བས།། ཉན་ཐོས་འགོག་པར་དེ་མི་གོལ།། ཕྱི་རོལ་རྟེན་འབྲེལ་བཅུ
40b2 གཉིས་ལ།། བརྟེན་ནས་སེམས་ཀྱི་རྒྱུ་བ་ཡིས།། རྟོག་དགག་སྟོང་པར་མི་བསྒོམ་པས།། རང་རྒྱལ་སེམས་སུ་དེ་མི་གོལ།། ཡུལ་མེད་སེམས་སུ་བློས་བསྡུས་པས།། དོན་དམ་རང་གི་ཤེས་པའི་དོན།། རང་རིག་སྐད
40b3 ཅིག་མི་བསྒོམ་པས།། སེམས་ཙམ་ལྟ་བར་དེ་མི་གོལ།། ཡུལ་འདི་ཀུན་རྫོབ་བློས་བྱས་ཏེ།། གཏན་ཚིགས་དག་གིས་གཞིག་བྱས་ནས།། མཚན་མ་སྟོང་པར་མི་བསྒོམ་པས།། དབུ་མ་གཉིས་སུ་དེ་མི་གོལ།། རེ་དོགས
40b4 ལས་ཀྱི་རྩོལ་བ་ཡིས།། དགེ་བ་བཅུ་ཡི་སྙིང་པོ་ལ།། རྒྱུ་འབྲས་རྐྱེན་ལ་མི་ལྟོས་པར།། འདུས་བྱས་ཆོས་སུ་དེ་མི་གོལ།། རང་སེམས་སྙིང་པོ་ངོ་བོ་ཉིད།། རྟོག་པའི་རྐྱེན་གྱིས་མི་འགྱུར་ཕྱིར།། འཁོར་འདས་གཉིས་ལ
40b5 མི་དཔྱོད་པས།། ལས་ཀྱི་དབང་དུ་དེ་མི་གོལ།། སྤོང་སྡུད་སེམས་ཀྱི་རྟོག་པ་ལ།། སྐྱོན་ཡོན་གཉིས་སུ་མི་བལྟ་ཞིང་།། མི་རྟོག་དབེན་པའི་ཡུལ་མེད་པས།། ཕྲ་བའི་ལམ་དུ་དེ་མི་གོལ།། སྨོན་འཇུག་གཉིས་ལ་མི་བརྟེན
40b6 ཅིང་།། ཚོགས་གསོགས་དམ་པར་མི་ལྟ་བས།། ལམ་ལྔ་རིམ་གྱིས་མ་སྦྱངས་ཕྱིར།། ས་བཅུ་འགྲོད་པར་དེ་མི་གོལ།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས།།
iiif viewer powered by OpenSeadragon
