| e-texts navigator |
| Wylie |
40a1 རྒྱས་པས།། དགེ་བ་བསྔོ་བ་དེ་ལ་རྫོགས།། ཆོས་ཀྱི་སྐུ་ལ་མངའ་བརྙེས་པས།། ཡོན་ཏན་ཐམས་ཅད་རང་ལས་སྦྲུལ།། གཞན་དོན་བྱ་བ་སྨོས་ཅི་དགོས།། ཡེ་ནས་ལྷུན་གྲུབ་དེ་ལ་རྫོགས།། རྫོགས་པ
40a2 ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། ཕྲིན་ལས་མཛད་སྤྱོད་རྫོགས་པའི་ལེའུ་སྟེ་ཞེ་གཉིས་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་རྒྱལ་པོས་བཀའ་སྩལ
40a3 པ།། འཁོར་འདས་མ་རིག་རྫོགས་ཆེན་ལ།། གོལ་སྒྲིབ་མེད་པར་བསྟན་པ་ཡང་།། བཅུ་གཉིས་དགུ་ཡིས་དོན་བསྟན་པ།། ཡིད་ལ་མ་བརྒྱུས་གོལ་ས་མེད།། དེ་ཡང་རྡོ་རྗེ་སེམས་དཔའ་ཉོན།། ཕྱི་རོལ་ཡུལ་གྱི་ཐ་སྙད
40a4 ལ།། དམ་པར་ཞེན་པའི་རྟོག་པ་ཡིས།། བྱུང་ཚོར་རྗེས་སུ་མ་འབྲངས་པས།། འཇིག་རྟེན་ཕལ་པའི་སར་མི་གོལ།། རང་གི་སེམས་ཀྱི་སྙིང་པོ་འདི།། དྲན་རྟོག་བློ་ཡི་རྣམ་པ་ཡིས།། ཡོད་མེད་ཡུལ་དུ་མ་བསྒོམས
40a5 པས།། རྟག་ཆད་མཐར་ནི་དེ་མི་གོལ།། ལུང་རིག་མན་ངག་ལ་བརྟེན་ནས།། ཐོས་བསམ་ལྟ་བས་ཡིད་ཆེས་པས།། ཤེས་རབ་བཟང་མོའི་དོན་ཟིན་པས།། ལུང་དུ་མ་བསྟན་དེར་མི་གོལ།། མི་དམིགས་པ་ལ་བློ་གཏོད
40a6 ཅིང་།། བྱིང་རྒོད་རྣམ་གཉིས་བསལ་བ་ཡིས།། ཞི་གནས་རོ་ལ་མ་ཞེན་པས།། སེམས་འཛིན་བསམ་གཏན་སར་མི་གོལ།། ཕྱི་རོལ་ཡུལ་གྱི་སྣང་བ་ལ།། རང་གི་སེམས་དང་མ་འབྲེལ་ཕྱིར།། སྒོ་ལྔའི་རྣམ་ཤེས་མི
iiif viewer powered by OpenSeadragon
