| e-texts navigator |
| Wylie |
3b1 རྣལ་འབྱོར་སྨོས་ཅི་དགོས།། དེ་སྐད་བཀའ་སྩལ་གསུངས་མ་ཐག། འཁོར་རྣམས་མ་དགའ་ཡིད་འདྲོགས་ཏེ།། དོན་ལ་ཐེ་ཚོམ་ཟ་གྱུར་ཏེ།། མྱ་ངན་ཡིད་ཀྱིས་ཟིན་གྱུར་ནས།། འཇིག་རྟེན་ཀུན་འགུལ་རབ་ཏུ
3b2 གཡོས།། ལྷ་མི་མི་མ་ཡིན་ལ་སོགས།། ཀུན་ཀྱང་སྐྲག་ཅིང་ཡ་ངར་གྱུར།། དེ་ནས་རྡོ་རྗེ་སེམས་དཔའ་ཡི།། ཐུགས་ཀྱིས་གཟིགས་ནས་དོན་རིག་པ།། འཁོར་རྣམས་ཞི་གནས་བསམ་གཏན་ལ།། ཞེན་པ་གསལ་བར
3b3 ཡིད་གཟིགས་ནས།། ཏིང་ངེ་འཛིན་གྱིས་དོན་གསོལ་པ།། འཇིག་རྟེན་མཁས་པ་རྫོགས་སངས་རྒྱས།། ཡེ་ཤེས་ཐུགས་རྗེ་ཆེན་པོ་ཡིས།། ཆོས་ཉིད་གནས་ལུགས་ཇི་ལྟ་བ།། མ་ནོར་མ་བཅོས་སྙིང
3b4 པོའི་ཐུགས།། འཁྲུལ་པའི་བློ་ཡིས་རྟོགས་པའི་ཐབས།། འཁོར་འདས་མ་རིག་ལྷག་མཐོང་དོན།། དུས་འདིར་བདག་ལ་བཤད་དུ་གསོལ།། རང་བྱུང་ངོ་བོ་ཉིད་སྐུ་དེས།། དོན་རིག་ཐུགས་ཀྱིས་བཀའ་སྩལ་པ།། སངས
3b5 རྒྱས་ཆོས་ཉིད་ཇི་ལྟ་བ།། འཁོར་འདས་མ་རིག་སྙིང་པོའི་དོན།། ཡང་མེས་ང་ཡིས་དོན་བཤད་དུ།། རྫོགས་ཆེན་སྐྱེ་མེད་དོན་ཟབ་ཀྱང་།། མ་རྟོགས་པ་ལ་སྡིག་མོར་ཆེ།། ནོར་བུ་རིན་ཆེན་རྙེད་དཀའ་བཞིན།། ཕྱི་མའི
3b6 དུས་ཀྱི་མི་ངན་རྣམས།། དར་དྲག་དང་ཐུང་ཚོར་རྐྱེན་ལ།། བཀའ་ཡི་དོན་ལ་ཡིད་མི་ཆེས།། གཞུང་མང་སྒྲིན་ཚིག་རྟོག་པ་ཟ།། བྱང་ཆུབ་པས་ནི་ཁེ་གྲགས་བསྒྲུབ།། ལེ་ལོ་ཆེ་བས་གྲུབ་རྟགས་རིངས།། འཇུག་ལ
iiif viewer powered by OpenSeadragon
