| e-texts navigator |
| Wylie |
3a1 ནས་བློ་གྲོས་དམ་པ་དེ།། ཅང་མི་གསུང་བར་ངོ་མཚར་ཏེ།། དཔའ་བོ་མགོན་པོར་ཡང་ཞུས་པ།། ཨེ་མ་ནམ་མཁའ་ལྟ་བུ་ཡི།། སྐུ་མཆོག་ཁྱབ་པའི་བྱིན་རླབས་ཀྱིས།། ཐོགས་མེད་རོལ་པའི་ཆོ་འཕྲུལ
3a2 གྱིས།། བདུད་དཔུང་གཟི་བརྗིད་ཟིལ་གྱིས་གནོན།། ཡིད་བཞིན་གསུང་མཆོག་སྒྲ་སྙན་གྱིས།། ཚིག་གཅིག་དོན་གོ་ཐམས་ཅད་འདུས།། གཟུང་སླ་ཡན་ལག་ཚང་བའི་གསུང་།། སེང་གེའི་སྒྲ་ཡིས་གསང་སྔགས
3a3 གསུང་།། ཡེ་ཤེས་སྙིང་པོ་རྡོ་རྗེའི་ཐུགས།། ཉི་ཟླ་ལྟ་བུར་རང་གསལ་བ།། འཁོར་འདས་སྤྲོས་བྲལ་ཐིག་ལེའི་ཐུགས།། ཡེ་ཤེས་རིག་པར་བྱིན་གྱིས་བརླབས།། ཐུགས་རྗེ་ཀུན་གྱི་བདག་པོ་ཁྱོད།། སངས་རྒྱས་རྣམས
3a4 ཀྱི་ཡང་མེས་པོ།། རྣལ་འབྱོར་ཀུན་གྱི་དམ་པའི་ལམ།། བདུད་རྣམས་ཀུན་གྱི་བདུད་ཆེན་པོ།། ཡོན་ཏན་ཐམས་ཅད་འབྱུང་བའི་གནས།། བྱང་ཆུབ་སེམས་ཀྱི་མཛོད་ཆེན་པོ།། མ་རིག་མུན་པ་བསལ་དུ་གསོལ།། དེ
3a5 སྐད་གསོལ་བའི་དོན་གོ་ནས།། བཅོམ་ལྡན་ངོ་བོ་ཉིད་སྐུ་དེས།། འཁོར་རྣམས་ལ་ནི་ཐུགས་གཟིགས་ནས།། ཕྱོགས་བཅུར་ཞལ་ནི་འཛུམ་མཛད་དེ།། དཔེར་ན་ཉི་མའི་སྙིང་པོ་ལས།། འོད་ཟེར་ཀུན་ཏུ་བཀྱེ་བ
3a6 ལྔར།། ཁྱབ་པར་མཛད་ཅིང་བཀའ་སྩལ་པ།། འཁོར་འདས་མེད་པའི་གོང་རོལ་དུ།། ང་རྟོགས་ཀུན་ཏུ་བཟང་པོ་བྱུང་།། གཞན་པའི་ཞི་གནས་བློས་བསྒོམས་པས།། སངས་རྒྱས་ཉིད་ཀྱང་གདེང་མེད་གོལ།། ཕྲ་མོའི
iiif viewer powered by OpenSeadragon
