| e-texts navigator |
| Wylie |
39b1 རྫོགས།། ཡེ་ཤེས་སྙིང་པོ་བྱང་ཆུབ་ལ།། བློ་དང་དངོས་པོ་གཅིག་པའི་ཕྱིར།། སེམས་དང་ཆོས་སྐུའི་དོན་འབྱོར་པས།། སྦྱོར་སྒྲོལ་མཆོད་པ་དེ་ལ་རྫོགས།། ཡེ་ནས་གནས་པའི་དོན་གོ་བས།། སྐྱེ་ཤི་མེད་པར་ཐག
39b2 བཅད་ཕྱིར།། ཡོན་ཏན་ཐམས་ཅད་ལྷུན་གྲུབ་པས།། མཐར་ཕྱིན་སྨོན་ལམ་དེ་ལ་རྫོགས།། སངས་རྒྱས་ཆེ་བའི་ཡོན་ཏན་རྣམས།། ད་ལྟ་ཉིད་དུ་རྟོགས་པའི་ཕྱིར།། སྐུ་གསུང་ཐུགས་ཀྱི་དོན་ཚང་བས།། བཟླས་བརྗོད
39b3 འཕྲོ་འདུ་དེ་ལ་རྫོགས།། དགའ་ལྡན་ལྷ་དང་འབྱོར་ལྡན་ཚོགས།། ངེས་པའི་ལྟ་བས་གདེང་ཟིན་པས།། སྣོད་བཅུད་ཡེ་ནས་ཚོགས་ཡིན་ཕྱིར།། ཚོགས་ཀྱི་མཆོད་པ་དེ་ལ་རྫོགས།། གཙོ་འཁོར་བཟང་ངན་མི་འབྱེད།
39b4 པས།། ཕུད་དང་ལྷག་མ་ངོ་བོ་གཅིག། བདེ་ཆེན་གཉིས་མེད་རང་སེམས་ལ།། ལྷག་མའི་མཆོད་པ་དེ་ལ་རྫོགས།། བྱ་བ་མེད་པའི་ཏིང་འཛིན་གྱིས།། མི་བཟུང་ཡེ་ཤེས་ཆེན་པོ་ལ།། རང་གི་རིག་པ་གསལ་ཐེབས
39b5 པས།། གཏོར་མའི་མཆོད་པ་དེ་ལ་རྫོགས།། འཁོར་བ་མྱ་ངན་འདས་པའི་ཆོས།། ཐིག་ལེ་གཅིག་ཏུ་འདུས་པའི་ཕྱིར།། ཅི་སྤྱོད་རང་གི་ལུས་ངག་ལ།། དཀྱིལ་འཁོར་བསྡུ་བ་དེ་ལ་རྫོགས།། དེ་རྟོགས་རྣལ་འབྱོར་ཆེན
39b6 པོ་ལ།། ཡེ་ཤེས་ཆེན་པོ་རྫོང་གི་ལུས།། ཡེ་ཤེས་ལྷུན་གྲུབ་གོ་ལྡན་པས།། བཀའ་ནན་ལུས་བསྲུང་དེ་ལ་རྫོགས།། ཡེ་ནས་སངས་རྒྱས་ཡིན་པའི་དོན།། རང་གི་སེམས་ཀྱིས་ཤེས་པའི་ཕྱིར།། གཉིས་མེད་དོན་དུ་སངས
iiif viewer powered by OpenSeadragon
