| e-texts navigator |
| Wylie |
39a1 ཅན་གཉིས་མེད་ཕྱིར།། ཡུལ་དང་དབང་པོ་མི་འབྱེད་པ།། གཉིས་མེད་དོན་གྱི་ཀློང་ཁྱབ་པས།། བྱིན་ཆེན་དབབ་པ་དེ་ལ་རྫོགས།། རང་བྱུང་ཡེ་ཤེས་ཀུན་ཁྱབ་ཕྱིར།། དུག་ལྔར་རང་གྲོལ་དོན་རྟོགས
39a2 པས།། ཉོན་མོངས་བདུད་རྩི་ཆེན་པོ་ལ།། ཡེ་ཤེས་བྱིན་རླབས་དེ་ལ་རྫོགས།། དབང་པོ་ཡུལ་གྱི་རྣམ་པ་ལ།། དངོས་པོ་འབྱུང་བའི་རྩ་བ་དེ།། ས་ཆུ་མེ་རླུང་ཀུན་ཁྱབ་པས།། དབང་ཆེན་རིམ་པ་དེ་ལ་རྫོགས།། གདན
39a3 དང་ཡིག་འབྲུ་ལ་སོགས་པ།། རང་གི་སེམས་ཀྱི་ཆོ་འཕྲུལ་ཏེ།། ཕྱོགས་བཅུར་རང་བཞིན་ལྷུན་གྲུབ་པས།། ཞལ་ཡས་ཁང་ཆེན་དེ་ལ་རྫོགས།། འཁོར་འདས་བཟང་ངན་མི་འབྱེད་པར།། རིག་ཚོར་དོན་གྱི་ལྷ་ཡིན
39a4 པས།། མ་བཙལ་ལྷུན་གྱིས་གྲུབ་པ་ལས།། ཡེ་ཤེས་ལྷ་རྣམས་དེ་ལ་རྫོགས།། ངོ་བོ་ཉིད་ཀྱི་སྙིང་པོ་ལ།། སངས་རྒྱས་སེམས་ཅན་རྒྱུ་གཅིག་པས།། ཆེད་དུ་བྱར་མེད་རང་རིག་ཕྱིར།། སྤྱན་དྲངས་བསྟིམ་པ་དེ་ལ
39a5 རྫོགས།། གཞི་ལ་སྣང་བ་མེད་པའི་ཕྱིར།། རང་གི་དྲན་རྟོག་ཅིར་སྣང་ཡང་།། སྐྱེ་མེད་ཆོས་ལས་མི་འདའ་བས།། ཟིལ་གྱི་གནོན་པ་དེ་ལ་རྫོགས།། ཐམས་ཅད་འདྲེས་པ་ཆེན་པོ་ལ།། རྣམ་པར་གྲོལ་བ་མཚོན་པའི
39a6 ཕྱིར།། རིག་པའི་དོན་འདི་གསལ་ཐེབས་པས།། ནན་ཏན་ཕྱག་རྒྱ་དེ་ལ་རྫོགས།། ལུས་ངག་ལས་ཀྱི་རྣམ་པ་ལ།། དྲང་བའི་དོན་གྱིས་ཟིན་པའི་ཕྱིར།། བསྐུལ་བསྐྱོད་ཐམས་ཅད་ཡེ་ཤེས་ལ།། ཕྱག་རྒྱའི་མཆོད་པ་དེ་ལ
iiif viewer powered by OpenSeadragon
