| e-texts navigator |
| Wylie |
38b1 སྔོན་ནས་སྦྱངས་པའི་ཕྱིར།། མི་གནས་བླ་མེད་དོན་རྟོགས་པས།། ད་ལྟའི་ཉིད་དུ་རང་ཡིད་ཆེས།། སྨོན་ལམ་ཕ་རོལ་ཕྱིན་པ་རྫོགས།། རང་སེམས་སྙིང་པོ་རྟོགས་པའི་ཕྱིར།། མ་རིག་སྒྲིབ་པ་ཟིལ་གནོན་པར།། ལུས
38b2 ངག་རྩོལ་བ་མི་དགོས་པས།། སྟོབས་ཀྱི་ཕ་རོལ་ཕྱིན་པ་རྫོགས།། འཁོར་འདས་གཉིས་མེད་གོང་རོལ་དུ།། སྐྱེ་ཤི་མེད་པར་ཐག་ཆོད་དེ།། བྱང་ཆུབ་སེམས་ལ་འགྱུར་མེད་པས།། ཡེ་ཤེས་ཕ་རོལ་ཕྱིན་པ་རྫོགས།། ལྟ
38b3 བ་རྟོགས་པའི་རྣལ་འབྱོར་པས།། ལུས་ངག་དོན་ལས་མ་ཉམས་པས།། ཕྱི་ནང་སྤྱོད་པའི་དོན་ཟིན་ཕྱིར།། ཚོགས་ཆེན་མ་ལུས་དེ་ལ་རྫོགས།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད
38b4 ལས། ཕ་རོལ་ཏུ་ཕྱིན་པའི་ཆོས་རྣམས་རྫོགས་པར་བསྟན་པའི་ལེའུ་སྟེ་ཞེ་གཅིག་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་རྒྱལ་པོས་ཡང་གསུངས་པ།། ལས་ཅན་རྣལ་འབྱོར་དོན་ལྡན
38b5 གྱིས།། ཡེ་དབང་སྙིང་པོ་སེམས་ཉིད་དོན།། ཆོས་ཉིད་རིག་པའི་དབང་ཐོབ་པས།། ཕྱི་ནང་དབང་རྣམས་དེ་ལ་རྫོགས།། ལྟ་བ་ངེས་པའི་གདེང་ཟིན་པས།། མི་རྟོག་ཡེ་ཤེས་གེགས་བསལ་བས།། རྣམ་པར་རྟོག་པའི
38b6 བགེགས་མེད་ཕྱིར།། ཕྱི་ནང་མཚམས་བཅད་དེ་ལ་རྫོགས།། ཡེ་ནས་ངོ་བོ་ཉིད་སྐུ་ལས།། བསྒྲུབ་ཏུ་མེད་པའི་ཆོས་ཉིད་ལ།། མ་རིག་རྣམ་རྟོག་སྒྲིབ་པ་མེད།། དོན་གྱི་བཤགས་པ་དེ་ལ་རྫོགས།། སངས་རྒྱས་སེམས
iiif viewer powered by OpenSeadragon
