| e-texts navigator |
| Wylie |
38a1 གཉིས་ཀྱི་རྐྱེན་བྲལ་བས།། ཞི་གནས་བསམ་གཏན་དེ་ལ་རྫོགས།། ཕྱི་ནང་ཆོས་རྣམས་ཐམས་ཅད་ཀུན།། སོ་སོར་རྟོག་པའི་ཡེ་ཤེས་ཀྱིས།། སྒྱུ་མ་ལྟ་བུར་རབ་ཤེས་པས།། རང་བཞིན་མེད་པའི་ལྷག
38a2 མཐོང་རྫོགས།། འཇིག་རྟེན་གོལ་བར་དོན་རྟོགས་པས།། སེར་སྣ་འཛིན་པའི་དོན་མེད་ཕྱིར།། རེ་བ་མེད་པའི་བསམ་པ་ཡིས།། སྦྱིན་པའི་ཕ་རོལ་ཕྱིན་པ་རྫོགས།། མ་ནོར་ཁྲིམས་ལས་མི་འདའི་ཕྱིར།། ལུས་ངག་ཡིད
38a3 ཀྱི་ལས་རྣམས་ཀུན།། མི་དགེ་ཉེས་བྱས་མི་འབྱུང་བས།། ཚུལ་ཁྲིམས་ཕ་རོལ་ཕྱིན་པ་རྫོགས།། ཟབ་ལ་རྒྱ་ཆེའི་ལྟ་བ་ཡིས།། ཡིན་དང་མིན་པའི་ཆོས་རྣམས་ཀུན།། ཆོས་ཀྱི་དབྱིངས་སུ་ཀུན་ཤོང་བས།། བཟོད་པའི་ཕ།
38a4 རོལ་ཕྱིན་པ་རྫོགས།། ངོ་བོ་ཉིད་ལས་འབྲལ་མེད་ཕྱིར།། ཆེད་དུ་མི་བསྒོམ་ད་ལྟ་ཉིད།། ལྟ་བའི་དོན་ལ་ཡེངས་མེད་པས།། བརྩོན་འགྲུས་ཕ་རོལ་ཕྱིན་པ་རྫོགས།། གཞི་གསུམ་དུས་གསུམ་འབྲལ་མེད་པས།། ཡེ
38a5 ཤེས་ཀུན་ཏུ་རྒྱུན་མི་ཆད།། སྙིང་པོའི་དོན་ལས་མ་གཡོས་པས།། བསམ་གཏན་ཕ་རོལ་ཕྱིན་པ་རྫོགས།། དང་པོ་འཁོར་བ་རྩད་གཅོད་པ།། ཡེ་ཤེས་རིག་པའི་ངོས་ཟིན་ཕྱིར།། ཡིད་ཆེས་གདེང་གིས་ཐག་ཆོད་པས།།
38a6 ཤེས་རབ་ཕ་རོལ་ཕྱིན་པ་རྫོགས།། ད་ཡང་འདུས་པའི་སྙིང་པོ་ཉོན།། དེ་ཕྱིར་ཡུལ་གྱི་རྣམ་པ་ལ།། སྤོང་སྡུད་ཞེན་པ་མེད་པའི་ཕྱིར།། སྣང་བ་གང་ཡང་མི་འགོག་པས།། ཐབས་ཀྱི་ཕ་རོལ་ཕྱིན་པ་རྫོགས།། ཚེ་རབས
iiif viewer powered by OpenSeadragon
