| e-texts navigator |
| Wylie |
37b1 དོན་ཆོས་སྐུར་བ་ཉིད་ལ།། ཡོད་མེད་འགལ་བ་མེད་ན་ཡང་།། ཡོད་ཀྱང་མ་རྟོགས་སེམས་ཅན་ལ།། ལུང་ལྡན་རྐྱེན་གྱི་གདམས་ངག་སྟོན།། དེ་ཕྱིར་མཐར་ཟུག་འབྲེལ་པ་ཡོད།། གཞི་ཉིད་འཁྲུལ་ལུགས་བློས་བཅོས
37b2 པས།། མ་རིག་འཁྲུལ་ངོར་བདེན་འཛིན་ཀྱང་།། ཡར་ལྡན་མར་འཁྲུལ་གཞི་ལ་མེད།། དེ་ཕྱིར་འཁྲུལ་མེད་དོན་འདི་གཅེས།། བདུད་ཀྱི་གེགས་ནི་དེ་ལ་བྱ།། དེ་ཡང་རྡོ་རྗེ་སེམས་དཔའ་ཉོན།། དེ་དག་འགལ་བགེགས
37b3 རྣམ་མང་ཡང་།། བློ་ཡིས་བྱས་པ་ཐམས་ཅད་མིན།། ངོ་བོ་ཉིད་སྐུ་ངོས་ཟིན་ན།། ཐེ་ཚོམ་ཐམས་ཅད་ཤུགས་ལ་ཆོད།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང
37b4 ཡངས་ཀྱི་རྒྱུད་ལས། ཐེ་ཚོམ་གྱི་གེགས་བསལ་བའི་ལེའུ་སྟེ་བཞི་བཅུ་པའོ།། །། དེ་ནས་འདུས་པའི་རྒྱལ་པོ་ལ།། འདུས་པའི་འཁོར་གྱི་འདི་སྐད་གསོལ།། ཐིག་ལེ་གཅིག་ཏུ་འདུས་པ་ཡིས།། ཕྱི་ནང་ཆོས་རྣམས་ཇི
37b5 ལྟར་རྫོགས།། གོལ་ས་སྒྲིབ་པ་ཇི་ལྟར་མེད།། ཉམས་རྟོགས་དོན་ལྡན་ཇི་ལྟར་འབྱུང་།། མཉམ་པའི་རྒྱལ་པོས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། ཐིག་ལེ
37b6 གཅིག་དུ་རྫོགས་པ་ཡི།། རང་སེམས་སྙིང་པོ་བྱང་ཆུབ་དེས།། སྙིང་རྗེ་བྱ་མེད་དོན་ཟིན་པས།། སེམས་བསྐྱེད་གོང་འོག་དེ་ལ་རྫོགས།། དད་པ་སྔོན་དུ་དྲན་བྱས་པས།། མི་དམིགས་དོན་ལ་མ་བལྟས་ཀྱང་།། བྱིང་རྒོད
iiif viewer powered by OpenSeadragon
