| e-texts navigator |
| Wylie |
37a1 ཉིད་ཀྱི་གཞི་ལ་མེད།། སྣང་ལུགས་ཞེན་ངོར་ཅི་ཡང་འཆར།། རྣལ་འབྱོར་ཉམས་སུ་བླང་ཟབས་ཀྱིས།། བསྒོམ་དུ་ཡོད་མེད་གཉིས་ཀ་འགལ།། ཡོད་པར་སྒྲོ་བཏགས་རྟག་པར་འགྱུར།། མེད་པར་སྐུར
37a2 བཏབ་ཆད་པར་འགྱུར།། དེ་ཕྱིར་ངེས་དོན་སྙིང་པོ་ནི།། མ་བསྒོམས་འབྲལ་མེད་དགོངས་པ་གཅེས།། ཟུང་ལྔ་ཡ་བཅུ་དེ་ལ་བྱ།། དེ་ཡང་འདུས་པའི་སྙིང་པོ་ཉོན།། མ་ནོར་ངེས་པའི་ལུང་ཆེན་ནི།། སངས་རྒྱས་སེམས
37a3 ཅན་གཉིས་ཀྱི་གཞི།། ངོ་བོ་ཉིད་ཀྱི་ཀུན་བཟང་གིས།། ཚིག་མེད་དོན་གྱི་རྟོགས་ཤར་བས།། དོན་ཉིད་ཚིག་ཏུ་འབྱུང་བའི་ཕྱིར།། ངེས་པ་ཡི་ནི་ལུང་དུ་བཤད།། ཀུན་བཟང་ང་ཡི་བྱིན་རླབས་ཀྱིས།། ཐུགས་ནས་སྙན་དུ
37a4 གསུང་བརྒྱུད་པ།། ཚིག་མེད་དོན་ཆེན་རྟོགས་པའི་ཕྱིར།། ཚིག་ལ་བརྟེན་ནས་དོན་གོ་བས།། བླ་མ་སློབ་དཔོན་ཁྱད་པར་ཆེ།། དེ་ཡང་འདུས་པའི་སྙིང་པོ་ཉོན།། ཉམས་མྱོང་ཡོད་མེད་གཉིས་ཀ་སྐྱོན།། གང་ཡང་མི
37a5 འགལ་གདམས་ངག་གི།། དོན་གསལ་ཡུལ་ལ་མ་ཡེངས་པ།། ཉམས་མྱོང་དམ་པར་ང་ཡི་བཤད།། རྣམ་རྟོག་ཐ་མལ་གློ་བུར་པ།། བཅོས་ན་ཐུལ་བའི་ཞི་གནས་ཡིན།། མ་བཅོས་བཀའ་ལ་དགོས་མེད་ཕྱིར།། བཅོས
37a6 མེད་དྲན་པ་ཆོས་སྐུར་གསལ།། མདོ་རྒྱུད་ངེས་དོན་གང་ཡང་རུང་།། དྲང་བའི་དོན་ལ་ཁྱད་ཆེ་ཡང་།། གཞི་རྟོགས་བྱེད་པའི་ཐབས་ལ་འདྲ།། ངེས་པའི་དོན་ལ་ཁྱད་པར་མེད།། དེ་ཡང་འཁོར་གྱི་སྙིང་པོ་ཉོན།། ངེས
iiif viewer powered by OpenSeadragon
