| e-texts navigator |
| Wylie |
36b1 ཆོས་ཀྱི་དབྱིངས་ཀྱི་ཀློང་།། རྫོགས་ནི་ལྷག་མ་མེད་པར་རྫོགས།། འཁོར་ནི་དུས་གསུམ་རྒྱལ་བར་ལྡན།། ཐམས་ཅད་ཀུན་ཏུ་བཟང་པོའི་ས།། སྐད་ཅིག་རྟོགས་པས་མངོན་སངས་རྒྱས།། རྟོགས་ཐབས་བཞི་ནི་བསྟན
36b2 པར་ཟད།། དེ་ལས་མང་དུ་འབྱེད་པ་ནི།། ཐིག་ལེ་མ་ཡིན་འཆལ་ཚིག་ཡིན།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། ཐིག་ལེ་ཉག་གཅིག་ལ་ལ་བཟླ་བའི་ལེའུ་སྟེ་སོ་དགུ་པའོ།། །
36b3 དེ་ནས་ཀུན་རིག་རྒྱལ་པོ་ཡིས།། འདུས་པའི་འཁོར་ལ་བཀའ་སྩལ་པ།། ཟུང་ལྔ་ཡ་བཅུ་བདུད་གྱི་གེགས།། རིམ་པར་བཤད་ཀྱི་ཡིད་ཀྱིས་ཉོན།། འཁོར་འདས་གཉིས་ཀྱི་གཞིར་གྱུར་པས།། རྟག་ཆད་མ་ཡིན་ཆོས
36b4 སྒུསྐུར་ངེས།། སྣང་བ་ངེས་མེད་ཡིན་པའི་ཕྱིར།། ཡུལ་དང་གོལ་ས་བཅད་པ་གཅེས།། དེ་ཡང་འདུས་པའི་སྙིང་པོ་ཉོན།། རང་སེམས་ཡུལ་དང་ཡུལ་ཉིད་སེམས།། གཉིས་ཀ་མ་ཡིན་གཉིས་མེད་མིན།། ཐ་དད་མ་ཡིན་མི
36b5 བསྡུ་བར།། ཞེན་མེད་རང་སར་གྲོལ་བའི་ཕྱིར།། སྣང་བ་མ་བཅོས་ཆོས་ཀྱི་དབྱིངས།། རྟོགས་དང་མ་རྟོགས་ཁྱད་པར་གྱིས།། སངས་རྒྱས་སེམས་ཅན་རྣམ་པ་གཉིས།། སོ་སོར་མ་ཡིན་གཅིག་པ་སྟེ།། གནས་སྐབས
36b6 འབྲལ་མེད་མཐར་ཐུག་ཡོད།། ལས་དང་ཐུགས་རྗེ་ཐ་དད་ཕྱིར།། གདམས་ངག་མེད་ལ་ཕན་མི་ནུས།། དེ་ཡང་འཁོར་གྱི་སྙིང་པོ་ཉོན།། འཁོར་འདས་འབྱུང་བ་རྟོག་པ་ཡིན།། ལོག་རྟོགས་ཡེ་ཤེས་ཐ་དད་ཀྱང་།། ངོ་བོ
iiif viewer powered by OpenSeadragon
