| e-texts navigator |
| Wylie |
36a1 ཞིང་།། འགྲོ་ས་ཐིག་ལེ་ཕྱི་མའི་རྩལ།། གཞི་ཡི་ཐིག་ལེ་ལ་བཟླ་ན།། ངོ་བོ་རང་གི་མཐུ་དང་བྲལ།། དཔེ་ནི་དུག་ཉིད་སྨན་གྱི་ངང་།། གཏན་ཚིགས་ངེས་པ་གང་ཡིན་པ།། ཐིག་ནི་ཐམས་ཅད་མཁྱེན་པའི
36a2 རྒྱུ།། ལེ་ནི་འགྲོ་དྲུག་ཡོངས་ལ་ཁྱབ།། ཡེ་ཤེས་ཀུན་གྱི་རྩལ་དུ་འགྲོ།། སྤྱི་ཡི་རྫོགས་ཆེན་ལ་བཟླ་ན།། ངོ་བོ་སྐུ་གསུང་ཐུགས་ཀྱི་རྒྱུ།། དཔེར་ན་ནོར་བུ་རིན་ཆེན་འདྲ།། གཏན་ཚིགས་ངེས་པ་གང་ཡིན་པ།། ཐིག་ནི་མ
36a3 ནོར་དྲང་པོའི་ལམ།། ལེ་ནི་བརྡལ་བ་ཆེན་པོའི་ངང་།། འགྲོ་ས་ཐིག་ལེ་ཕྱི་མའི་རྩལ།། ཡང་ཏི་རྫོགས་ཆེན་ལ་བཟླ་ན།། འཁོར་འདས་མ་རིག་རང་བྱུང་ཞིང་།། ངོ་བོ་ཐིག་ལེ་ཉག་གཅིག་ཉིད།། དཔེ་ནི་ཉི་མའི་སྙིང་པོ
36a4 འདྲ།། གཏན་ཚིགས་ངེས་པ་གང་ཡིན་པ།། ཐིག་ནི་བག་ཆགས་སྐྱོན་དང་བྲལ།། ལེ་ནི་ཉོན་མོངས་རྣམ་པར་དག། འགྲོ་ས་ཀུན་བཟང་སངས་རྒྱས་ཉིད།། དེ་ཡང་འདུས་པའི་སྙིང་པོ་ཉོན།། ཕྱི་ནང་མེད་པར་ཐིག་ལེ
36a5 ལ།། འཁོར་འདས་མེད་པར་ཉག་གཅིག་མ།། སྣང་སྟོང་མེད་པར་ཕྲ་ལ་ཟབ།། ཐམས་ཅད་ཐིག་ལེར་སངས་རྒྱས་པས།། སྟེང་འོག་མཐའ་དབུས་མེད་པ་དང་།། ཕྱི་ནང་འཁོར་འདས་མེད་པ་ཀུན།། ཐམས་ཅད་ཐིག
36a6 ལེ་ཆེན་པོ་ལས།། གཞན་གྱི་ཆོས་ནི་རྡུལ་ཙམ་མེད།། དེ་ཡང་འདུས་པའི་སྙིང་པོ་ཉོན།། ང་ཡི་སྐུ་གསུང་ཐུགས་ལ་ཚང་།། ཡེ་སངས་རྒྱས་པའི་རང་བཞིན་ལས།། ཡོན་ཏན་ནམ་མཁའི་མཐའ་ལས་འདས།། གཞན་ཡང
iiif viewer powered by OpenSeadragon
