| e-texts navigator |
| Wylie |
35b1 གསུམ།། ངོ་བོ་ཀུན་གཞིའི་རྣམ་ཤེས་ལ།། དཔེ་ནི་ས་དང་ཆུ་འདྲེས་འདྲ།། གཏན་ཚིགས་ངེས་པ་གང་ཡིན་པ།། ཐིག་ནི་ཀུན་གཞི་སེམས་ཀྱི་གཞི།། ལེ་ནི་འགྲོ་དྲུག་ཡོངས་ལ་ཁྱབ།། འགྲོ་ས་འདས་དང་མ་འདས
35b2 པ།། དོན་གྱི་ཐིག་ལེ་བསྟན་པ་ནི།། རྫོགས་ཆེན་ཨ་ཏི་སྤྱི་ཡི་གཞུང་།། ངོ་བོ་ཀུན་གཞི་ལུང་མ་བསྟན།། དཔེ་ནི་ཞོ་དང་འོ་མ་འདྲ།། གཏན་ཚིགས་ངེས་པ་གང་ཡིན་པ།། ཐིག་ནི་ཀུན་གཞི་གཉུག་མ་ལ།། ལེ་ནི་ཐམས
35b3 ཅད་སེམས་སུ་སྣང་།། འགྲོ་ས་གར་འགྲོ་ངེས་པ་མེད།། དེ་ཡང་འདུས་པའི་སྙིང་པོ་ཉོན།། དེ་ལྟར་ཐིག་ལེ་བཞི་བསྟན་པ།། ཐེག་པ་ཀུན་གྱི་སྒོ་བསྟན་ཕྱིར།། ཤན་གྱི་སྒོ་ནས་བསྟན་པ་ཡིན།། དོན་ལ་དབྱེར་མེད་དོ།
35b4 བོར་གཅིག། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། ཐིག་ལེ་ཤན་དབྱེ་བའི་ལེའུ་སྟེ་སོ་བརྒྱད་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སེམས་ཀྱི་རྒྱལ
35b5 པོ་ཡིས།། ལ་བཟླ་བ་ཡི་ཐིག་ལེ་གསུངས།། ནང་ནི་རིག་པ་ཆོས་སྐུ་ལ།། སྒྲ་མཐུན་དོན་དཔག་གཏན་ཚིགས་ཀྱིས།། དོན་གྱི་ངོ་བོ་གཉིས་སུ་འདུས།། ལ་བཟླ་གཅིག་གིས་ངང་དུ་རྫོགས།། དེ་ཡང་རྡོ་རྗེ་སེམས་དཔའ
35b6 ཉོན།། རྟག་པའི་ཐིག་ལེ་ལ་བཟླ་ན།། ངོ་བོ་སྣང་ལ་རང་བཞིན་མེད།། དཔེ་ནི་ཉི་མའི་འོད་བརྡ་ལ་ལ།། གཏན་ཚིགས་ངེས་པ་གང་ཡིན་པ།། ཐིག་ནི་དངོས་པོ་ཡུལ་དང་བྲལ།། ལེ་ནི་ཐམས་ཅད་རྒྱལ་བའི
iiif viewer powered by OpenSeadragon
