| e-texts navigator |
| Wylie |
35a1 པའོ།། །། དེ་ནས་འདུས་པའི་འཁོར་རྣམས་ལ། ཀུན་རིག་སྟོན་པས་བཀའ་སྩལ་པ།། ཕྱི་ནང་མ་བཅོས་མྱ་ངན་འདས།། མྱང་འདས་དོན་ནི་ཆོས་ཀྱི་སྐུ།། ཆོས་ཀྱི་དབྱིངས་ན་ཆོས་སྐུའི
35a2 འོད།། སྙིང་པོ་འབྲས་བུ་ཡེ་ཤེས་སྐུ།། སྙིང་པོ་ཀུན་ལ་ཁྱབ་ཅིང་འདུས།། ཐུགས་ཀྱི་ཉིང་ཁུ་ཡིན་པའི་ཕྱིར།། ཐིག་ལེ་འགྱུར་བ་མེད་པའི་ཕྱིར།། ཀུན་བཟང་རྡོ་རྗེའི་བྱིན་གྱིས་བརླབས།། ཚིག་ཏུ་མ་བཀོད་ཐུགས་ལ
35a3 བརྒྱུད།། དོན་གྱི་གཏིང་ཕྱིན་བསྟན་པའི་ཕྱིར།། ཚིག་ཉུང་དོན་ལ་རྫོགས་པ་ཡིས།། ཐིག་ལེ་ལ་ཤན་དབྱེ་བ་ནི།། མཚན་ཉིད་བཏགས་པའི་ཐིག་ལེ་དང་།། གསང་སྔགས་གཞི་ཡི་ཐིག་ལེ་དང་།། རྫོགས་ཆེན་སྤྱི་ཡི་ཐིག
35a4 ལེ་དང་།། ཡང་ཏི་ཐིག་ལེ་ཉག་གཅིག་དང་།། རེ་རེ་ལའང་བཞི་བཞི་སྟེ།། ངོ་བོ་དཔེ་དང་གཏན་ཚིགས་ཀྱིས།། འགྲོ་ས་ལ་ཤན་དབྱེ་བ་ཡང་།། རྩལ་གྱི་སྒོ་ནས་གསུམ་བསྟན་པ།། སྣང་བ་ཆོས་ཀྱི་དབྱིངས་ལས
35a5 རྫོགས།། དེ་ཡང་འདུས་པའི་སྙིང་པོ་ཉོན།། བཏགས་པ་མིང་གི་ཐིག་ལེ་ནི།། མཚན་ཉིད་ཐེག་པ་རྣམ་གསུམ་སྟེ།། ངོ་བོ་རྣམ་ཤེས་ཚོགས་བརྒྱད་ལ།། དཔེ་ནི་དམུས་ལོང་གཡུ་རྡོ་འདྲ།། གཏན་ཚིགས་ངེས་པ་གང་ཡིན
35a6 པ།། ཐིག་ནི་ཚོགས་བརྒྱད་སེམས་སུ་གཅིག། ལེ་ནི་ཁམས་གསུམ་ཡོངས་ལ་ཁྱབ།། འགྲོ་ས་སྲིད་པའི་ཡང་རྩེ་ཡིན།། གོལ་ས་སྐྱེ་མཆེད་མུ་བཞི་ལགས།། གཞི་ཡི་ཐིག་ལེ་བསྟན་པ་ནི།། གསང་སྔགས་ཕྱི་རྒྱུད་རྣམ་པ
iiif viewer powered by OpenSeadragon
