| e-texts navigator |
| Wylie |
34b1 བཀའ་སྩལ་པ།། མྱང་འདས་འཁྲུལ་པ་ལོག་པ་དང་།། ཡུལ་སེམས་ཐ་དད་མི་འདོད་ཅིང་།། ཡེ་ནས་གཉུག་མའི་གཞི་ཤེས་པས།། འགྲོ་དོན་སྙིང་རྗེ་མི་འབྲལ་ན།། ཉན་ཐོས་འཁྲུལ་པ་ལོག་པའི་རྟགས།། སྣང་བ
34b2 སེམས་སུ་མི་སྡུད་ཅིང་།། དོན་དམ་སྐད་ཅིག་མི་འདོད་པས།། འཕེལ་འགྲིབ་མེད་པའི་དོན་རྟོགས་ན།། སེམས་ཙམ་འཁྲུལ་པ་ལོག་པའི་རྟགས།། བདེན་པ་གཉིས་སུ་མི་རྟོག་ཅིང་།། ཡང་དག་སྟོང་པར་མི་འདོད
34b3 པས།། རང་བྱུང་ཡེ་ཤེས་འགྱུར་མེད་དེ།། དབུ་མའི་འཁྲུལ་པ་ལོག་པའི་རྟགས།། ཡུལ་མེད་སེམས་སུ་མི་འདོད་ཅིང་།། སྔགས་དང་ཡིག་འབྲུ་ལྷར་མི་སྐྱེད།། རེ་དོགས་དངོས་གྲུབ་མི་འཚོལ་བས།། ཀྲི་ཡོག་འཁྲུལ་པ
34b4 ལོག་པའི་རྟགས།། བདེན་པ་དབྱེར་མེད་མི་འདོད་ཅིང་།། ཏིང་འཛིན་རིམ་གྱིས་མི་བསྒོམ་པས།། རྩོལ་བ་མེད་པའི་དོན་རྟོགས་པས།། མ་ཧཱར་འཁྲུལ་པ་ལོག་པའི་རྟགས།། མཁའ་ཀློང་རོལ་པར་མི་འདོད
34b5 ཅིང་།། སྙིང་པོ་དྲན་ཙམ་ལྷར་མི་བསྒོམ།། ངང་འཇོག་མི་དགོས་དོན་རྟོགས་པས།། ཨ་ནུར་འཁྲུལ་པ་ལོག་པའི་རྟགས།། དེ་རྟགས་བརྒྱད་ལྡན་སྐྱེས་བུ་ནི།། མི་ཡི་ལུས་ལ་སངས་རྒྱས་སྲས།། རིག་འཛིན་གདུང་འཚོ་བ
34b6 སྤྲུལ་པའི་སྐུ།། དེ་ཡི་ཡོན་ཏན་བརྗོད་མི་ལངས།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། ཐེག་པ་འོག་མ་པའི་འཁྲུལ་པ་ལོག་པའི་རྟགས་བསྟན་པའི་ལེའུ་སྟེ་སོ་བདུན
iiif viewer powered by OpenSeadragon
