| e-texts navigator |
| Wylie |
34a1 ཀྱང་།། ཆོས་བརྒྱད་ཞེན་པ་མེད་པའི་ཕྱིར།། ཀུན་བརྟགས་མ་རིག་ལོག་པའི་རྟགས།། ཟག་པ་རང་དུ་ཤེས་ཙམ་ན།། སྦྲུལ་དུ་འཛིན་པ་རང་སར་གྲོལ།། དཔེ་ལས་དོན་དུ་ལོག་པའི་རྟགས།། རྫུན་ལ
34a2 བདེན་པར་མི་འཛིན་པས།། བསྒོམ་དུ་མེད་པ་རང་སར་གྲོལ།། འཁྲུལ་པའི་ངོ་བོ་ལོག་པའི་རྟགས།། མ་རིག་མེད་ཕྱིར་བག་ཆགས་བྲལ།། བླང་དོར་གཉིས་སོགས་དོན་དྲན་པས།། ལུགས་སུ་འཇུག་པ་ལོག་པའི
34a3 རྟགས།། རང་གི་སེམས་ལ་དབང་ཐོབ་པས།། ཤེས་བཞིན་སྐྱེ་བ་དྲང་དོན་ཕྱིར།། སྐྱེ་ཤིའི་སྡུག་བསྔལ་ལོག་པའི་རྟགས།། ཤེས་རིག་རང་སེམས་སྙིང་པོ་སྟེ།། གློ་བུར་མ་ཡིན་ཡེ་གནས་པས།། ཤེས་རིག་དུས་གསུམ
34a4 མི་འགྱུར་ཕྱིར།། ཆད་པའི་འཁྲུལ་པ་ལོག་པའི་རྟགས།། རང་བྱུང་ངོ་བོ་ཉིད་ཀྱི་སྐུ།། དངོས་པོ་ཡུལ་ལས་འདས་པ་དེ།། ཤེས་རིག་རང་སེམས་སྙིང་པོ་སྟེ།། ཁ་དོག་དབྱིབས་མེད་གཉུག་མར་རྟོགས།། རྟག་པར་འཛིན།
34a5 པའི་འཁྲུལ་ལོག་རྟགས།། དེ་ཡང་འཁོར་གྱི་སྙིང་པོ་ཉོན།། འཇིག་རྟེན་འཁྲུལ་པ་དེ་དག་དང་།། མ་རིག་དབང་གི་ལོག་ལྟ་བ།། ནམ་ལངས་མུན་པ་མེད་པ་བཞིན།། དེ་ཉིད་རྟོགས་པས་འཁྲུལ་པ་སངས།། རྫོགས་པ
34a6 ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། འཁོར་བར་འཁྲུལ་པ་ལོག་པའི་རྟགས་བསྟན་པའི་ལེའུ་སྟེ་སོ་དྲུག་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་རྒྱལ་པོས
iiif viewer powered by OpenSeadragon
