| e-texts navigator |
| Wylie |
33b1 གླང་ཆེན་ཆུར་འཇུག་འདྲ།། ངེས་ཚིག་ཤུགས་འབྱུང་བླང་དོར་མེད།། གོལ་ས་རང་རྒྱུད་ཉོན་མོངས་སྤྱོད།། སྐྱོན་ནི་ཆོས་བརྒྱད་ཡུལ་ལ་ཞེ་ན།། ད་ཡང་འདུས་པའི་སྙིང་པོ་ཉོན།། འབྲས་བུ་ངེས་པའི་གདེང་ཟིན
33b2 པས།། དབྱེ་ན་གནས་སྐབས་མཐར་ཐུག་འགྲུབ།། རིན་ཆེན་རྒྱན་གྱི་ཡོན་ཏན་འདྲ།། ངེས་ཚིག་བསླུ་མེད་རང་ཡིད་ཆེས།། གོལ་ས་འབད་པ་དོན་མེད་འཁྱམས།། སྐྱོན་ནི་ཕྱིས་འབྱུང་རེ་དོགས་བློ།། དེ་ཡང་རྡོ་རྗེ
33b3 སེམས་དཔའ་ཉོན།། དེ་དག་དབྱེ་བ་ཐ་དད་ཀྱང་།། མ་རིག་རྨོངས་པ་བསྟན་པ་ལ།། ངོ་བོ་རང་བྱུང་ཉིད་འདི་ལས།། གཞན་དུ་གཡོས་པ་རྡུལ་ཙམ་མེད།། རྫོགས་པ་ཆེན་པོ་བལྟ་བའི་ཡང་སྙིང་། ནམ་མཁའ་ཀློང
33b4 ཡངས་ཀྱི་རྒྱུད་ལས། གདམས་ངག་གི་དབྱེ་བ་བསྟན་པའི་ལེའུ་སྟེ་སོ་ལྔ་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། འཁྲུལ་ལྡོག་རྟགས་བདུན་ངས
33b5 བཤད་ཀྱིས།། ལེགས་པར་ཟུང་ལ་ཡིད་ཀྱི་ཉོན།། ཆོས་རྣམས་ཀུན་གྱི་གཞི་ཤེས་པས།། འཁོར་འདས་གློ་བུར་འཁྲུལ་པར་ཤེས།། རེ་དོགས་མེད་པ་གཞི་ཤེས་རྟགས།། མཐའ་དྲུག་རྐྱེན་བཞི་འཛིན་མེད་པས།། ཡིད
33b6 ཆེས་གདེང་གི་དོན་ཟིན་ནས།། ལྷན་ཅིག་མ་རིག་ལོག་པའི་རྟགས།། ཐོག་མའི་རང་བྱུང་ངོ་ཤེས་པས།། དུས་གསུམ་གཅིག་ཏུ་ཤེས་པའི་ཕྱིར།། འཁྲུལ་པའི་དུས་ལས་ལོག་པའི་རྟགས།། ཡུལ་ནི་མ་ངེས་སྣ་ཚོགས
iiif viewer powered by OpenSeadragon
