| e-texts navigator |
| Wylie |
33a1 ཆོས་སྐུ་ཡིན་པའི་ཕྱིར།། བསྒྲུབ་པ་བས་ཀྱང་རྟོགས་པ་གཅེས།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། སྲིད་པ་བར་མ་དོ་ལ་སྐྱེ་བ་ཕྱི་མ་མི་ལེན་པར་བསྟན་པའི
33a2 ལེའུ་སྟེ་སོ་བཞི་པའོ།། །། དེ་ནས་ཀུན་རིག་རྒྱལ་པོ་ལ།། འདུས་པའི་འཁོར་གྱིས་ཡང་གསོལ་པ།། ཐེ་ཚོམ་གེགས་རྣམས་བསལ་བའི་ཕྱིར།། གདམས་ངག་རྣམ་དབྱེ་ཇི་ལྟར་དབྱེ།། འཁྲུལ་པ་ལོག་པའི་རྟགས
33a3 ཆེན་གང་།། ཐིག་ལེའི་ལ་ཤན་ཇི་ལྟར་དབྱེ།། ངེས་པར་ཐེ་ཚོམ་ཇི་ལྟར་བསལ།། དེ་སྐད་ཞུས་པའི་དོན་གསན་ནས།། ཀུན་རིག་རྒྱལ་པོས་བཀའ་སྩལ་པ།། ལྷ་སྒོམ་སྤྱོད་པ་འབྲས་བུ་ཡི།། དབྱེ་བ་རྣམ་པ་དྲུག་དྲུག
33a4 གི།། དབྱེ་བ་བསྟན་གྱིས་ལེགས་པར་ཉོན།། ལྟ་བའི་ངོ་བོ་ཤེས་རབ་སྟེ།། མོས་པའི་བློ་ཡིས་གང་བཟུང་བ།། དབྱེ་བ་རང་གནས་ངོ་བོ་ནི།། སྟོང་པར་ཁྱབ་པས་ནམ་མཁའ་འདྲ།། ངེས་ཚིག་ཆོས་སྐུར་ལྟ་བ
33a5 ཡིན།། གོལ་ས་མ་རིག་རྟག་ཆད་གཉིས།། སྐྱོན་ནི་ཡུལ་སེམས་བསྲེ་བྱེད་པ།། དེ་ཡང་འདུས་པའི་སྙིང་པོ་ཉོན།། སྒོམ་པའི་ངོ་བོ་མི་རྟོགས་པ།། དབྱེ་བ་མཐུན་པ་འབྲལ་མེད་དེ།། ཏིལ་གྱི་མར་མེ་དུད་མེད་འདྲ།། ངེས
33a6 ཚིག་དབང་པོ་མ་ཡེངས་པ།། གོལ་ས་བྱིང་དང་རྒོད་པའོ།། སྐྱོན་ནི་ནན་གྱིས་གླེན་བསྒོམ་བྱེད།། ད་ཡང་འཁོར་གྱི་སྙིང་པོ་ཉོན།། སྤྱོད་པའི་ཚུལ་ནི་མ་བཅོས་པ།། དབྱེ་བ་རིག་གསང་མཐུན་པའི་ཐབས།། ཚོམ་མེད
iiif viewer powered by OpenSeadragon
